Dye hystorien ende fabulen van Esopus

§ (8) Die achste fabule is vanden wolf ende vander craene Soe wie den | quaden ende onwetende doet eeneghe duecht. verliest sijn pijne ende | [15] sondighet oft misdoet seer Waer af dat esopus vertelt eene aldus- | ghe¹⁷⁰ fabule |

170 aldus- | ghe lees: aldus- | daneghe.

[fol. e5v]

HEt was een wolf die een scaep verscoert ende verslonden hadde Ende als hi dit had | de ghedaen so bleef hem een been in sijnre kelen twelck hem seer quetsende | was Dit gheuoelende die wolf badt der cranen dat sij hem dit been wt sijnder kelen | trecken wilde Ende die Craen stac haren hals in sijn kele ende toech dat been wt. waer | [5] af dat die wolf terstont ghenesen was. Ende die craen als hij dit ghedaen hadde zoe | begheerde hij te hebben vanden wolue sijnen loon oft solarijs Ende die wolf antwoir | dede hem Du biste wel ondanckbaer ende bekennet qualijcken tquaet dat ic dy doen wilde | want als ghij uwen hals in mijn kele ghesteken hadste. hadde ick ghewilt ick had- | den v af ghebeten Ende aldus blijcket bij dese fabule dattet niet en profiteert | [10] den bosen ende den ondancbaeren duecht oft goet te doene Mer het is een dinc | dat alder meest verloren is. |