§ Die xxv. hystorie die welcke vertelt ende maect mencye hoe dat esopus wederom | keerde in babylonien. ende hoe die coninck om hem te eeren een columne van goude | maken dede |
ENde daer nae als esopus wederomme quam in babilonyen vertelde hij den | [5] coninck van vele wonderlijcke dinghen die hij in egypten ghedaen hadde Omme | welcke dinghen die coninck beual datmen in die eere van esopus een columpne van | goude soude maken Ende daer nae een weynich tijts so hadde esopus begheerte om- | me te trecken int lant van gryecken ende nam oerlof aen den coninc waer af dat die | coninck seer droeuich ende tonvreden was Waeromme dat esopus den coninc gheloef- | [10] de wederomme te comen ende te eynden sijn leuen in babilonyen Ende aldus gaf die co | ninck hem oerloef dat hij reysen mochte Ende als esopus aldus gaende ende rey- | sende was int lant van gryeken den welcken hij sijn wijsheyt ende fabulen bewysen | de ende leerende was. in sulcker manyeren dat hij eere ende glorie zeer was vercryghen | de. ende was vernaemt doer alle gryeken Ende ten lesten zo quam hij int eylant van delphos | [15] dat welcke die alder eerlijcke plaetsen van gryecken was want het was dat hoeft van | alle die gheestelijckeyt. Ende alle dat ghemeyn volck volghede esopus nae omme | hem te hooren Mer die heeren vander stadt ende wette ouermits haet ende nijt ont- | eerden ende lasterden hem Den welcken hij toe sprac aldus Mijn heeren ende lieue vrien- | den ghij ghelijcet den bossche inder zee dwelc alsmen siet van verres soe schijntet | [20] groot te wesen mer alsmen daer zeer bij es zo eest seer weynich ende cleyn Aldus | eest oick met v luyden want als ic verre van v was soe meyndick dat ghij waert | die beste vanden lande mer nv als ick vaste bij v ben soe bekenne ick dat ghij sijt | die erchste ende quaetste Ende als die van delphos hoorden dese woerden zo hiel- | den sij haren raet met malcanderen Ende doe sprac een vanden wijsten tot den anderen | [25] heeren Mijn lieue heeren ende vrienden ghij weet wel dat dese mensche meneghe | rande glorie ende eer ghehadt heeft ende ghecreghen van allen den landen daer hij doer | gereyst heeft Ende daerom eest dat wij daer niet toe en sien hij sal ons gheheelijcken | verderuen ende onse macht benemen Ende daeromme so namen sij te samen eenen heyme- | lijcken raet hoe ende in wat manyeren sij hem souden mogen doen dooden ende steruen mer | [30] niet te min ouermits die grote menichte die hem nae volghende was so ende dorsten | sij niet dat doen Ende als sij saghen dat een vanden dienaren van esopus sijn mael pac | kede om te reysen so namen sij eenen gulden cop vten tempel van appollijn haren | god die sij hadden ende staekenen al heymelijcken in die mael vanden dienre van esopus | Ende want die goede esopus van dit verraetscap niet en wiste datmen teghen hem dede | [35] zoe reysde hy van delphos ende also hij reysende was so liepen die verraders zeere | snellijck nae hem Ende in grooter nydicheyt soe vinghen sij hem Ende als sij hem dus | vinghen sprack tot hem esopus Mijn lieue heeren ende vrienden waeromme eest dat ghij my | vanghende sijt Ende sij antwoirdeden hem O du valsche dief, boef ende rouer ende mysmaect | waeromme eest dat ghij den tempel van onsen afgod appollijn ghestolen ende beroeft | 40 hebt |
Auteursrechtelijk beschermd