Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio f8r]
| |
HEt Ga naar voetnoot163 was een ouer groet stuer int water dat padus ge | noemt wort dat inlombardien is Als hy hier in wo- | nende was wort hi van allen vischen die daer waren ont | sien om sijn grotheyt ende starckheyt Dat hi hem seluen verhief | [5] ende seyde Wat heb ick mit desen snoden visschen te doen die hier | sijn ende myt hem te wesen ende van hem prijs ende eer te begaen | Het is beter dat ic in die zee trec die wijt ende groot is Daer gro | te wonderlike vischen ende beesten syn alsoe veel datter gheen ge | tal en is van welken ick wel om mijnre groter heerlicheit ver | [10] heuen sal worden ende vernaemt onder die grote Dit segghende | ghinck hi wten water padus ende swemmende tot in die zee Ende | doe hi daer ghecomen was ende aldaer veel groter veruaerliken | visschen ende beesten sach wort hi seer veruaert tot hoor ansien | ende woude weer van daen ende en wist niet wat doen om die wreet | [15] heyt der beesten die hi daer sach Als dit ghesciede was daer een | alten wreeden beest dat ghenoomt is felchus ende is een zee stier dit | sach den stuer ende seyde Waer om en hebste di niet ghescaemt son | der oorlof te comen onder die grote ende stercke visschen ende won- | deren der zee Dat en sal u seker niet te goeden vergaen. Mittien | [20] spranck hi opten stuer ende doden hem ende seyde ALle Ga naar voetnoot164 houaerdi | ghen sellen hier an leren. datse hem niet en verheffen bouen hoor | heren ¶ Hier om isset wijsheyt als yemant in enigher stede is | daer hy genoech geeert is ende wel groot gerekent soe en sal hi hem | niet vertonen noch oec versellen mitten gheen dye meerre sijn | [25] ende machtigher dan hi Want seneca seyt Dat cleyn en mach | mitten groten niet staenEnde dat scip dat groot scijnt te wesen | in dat reuier is in die zee seer cleyn. Dat roer dat op een cleyn | scip te groot is dat is op een kogghe of een craeck veel te cleyn | Het is een fabel dat een vorssche sach een groten vetten os lig | [30] ghen in die weyde ende begheerde so groot te worden als die | osse Hier om ghinc si blasen hoor op. op dat si wat meerre sceen | te wesen ende seyde tot horen ionghen dat si groot waer als een osse. | Die ionghen antwoorden dattet soe niet en was Doe ghinck si | noch blasen hoor noch meer op ende meynde also groot te wor- | | |
[Folio f8v]
| |
den als die osse Ende blies so langhe in hoor vel dattet vanden wint | berste ende dat si sterf Daer om sellen wy hier in leren dat hem nye | mant meer verheffen sal dan hem betaemt op dat hi oec also niet | en vergaetWant ysidorus seyt Alle houerdie leghet also seer diep | [5] ende neder also veel als si hoor int hoge verheffetWant om der houerdien | wil is die engel gheworden een duuel Die coninc saul is oec van | den duuel ghequelt. Ende nabugodonisor is gheworden een | beest ende al om sijn houerdien wil | |
|
