Dialogus Creaturarum dat is Twispraec der creaturen

¶ Van die prick ende cocodryllus. ¶ Dyalogus xliij. |

[10] Pric ¹⁶⁵ is een visch ghelyc een ael Dese vant op een tijt der coco | drillen ionghen ende dodese Cocodrillus is een groot beest | dat in die vloet nilus woent Als dese weder quam ende sach sijne | ionghen gedoot wort hi seer verbittert ende vertoornt ende wou- | de hore iongen doot wreken hier ginc hi altoes gewapent op dat hy | [15] die pric verslinden soude Op een tijt ist ghevallen dat si een venijn | de serpent die seer wreet was gheuonden heeft ende si meenden | dattet een pric gheweest hadde ende ghinc hoor te liue ende seyde | Nu en salstu vermaledide visch niet ontgaen mogen du hebste mijn | iongen sonder saec ghedoot daer om wil ic dy nu verderuen ende verdoen | [20] Die slanghe antwoorden wachte di des ende en wilt dat niet doen | want ic en ben die pricke niet mer een venijnde serpent Ist dattu | so koen biste dattu mi an wilste so sal ic di op een cort mit mijn | venijnde vergheven Die cocodril antwoorde Neen du en mo | gheste alsoe my nyet onbekennet bliuen du en biste dye slanghe |

165 P initiaal, 3 regels hoog, geen zichtbare representant.

[fol. g1r]

niet mer dye pricke want du hoor ghelijc biste daer om sal ic dy | doden Ende als hi hoor anghinc om te doden maecte hem dat ser- | pent daer teghen sterck ende beet den cocodril ende vergaffet mit sinen | venijdt ende seyde MItten ¹⁶⁶ onbekenden en wilt niet vechten | [5] noch strijden. dattu daer wt niet en coemste in meerre lijden. Al | dus en sal nyemant mytten onbekenden ofte versmaden een strijt | annemen om dat die persoen des menschen die craft niet en is | mer inder harten ende in cloeckheyt des vechters Inden boeck | der conynghen leestmen Dat die grote roese Golias dauid ver | [10] smadede om dat hy cleyn was ende daer om wort hi van da- | uid verslaghen ende ghedoodt Wachte dy oeck o mensche | om toornycheyt of begheerten der wraeck een strijt of ongenoecht | an te nemen Want die toornighe mensch waent dat hi starker | is dan ander luden waer om dat hi dicwijl ghekrencket wort | [15] Seneca Altoes waent die toornighe dat hi sterker si dan hi is | Die toorn seyt hi oeck pleech die wet te vergheten Daer om seit | een wise die wet siet den toornighenMer die toornighe en siet | die wet niet Daer om salmen die toorn vander herten verdri | uen. Salomon. Die toorn en heeft gheen ontfermharticheyt | [20] Daer om en sal nymmer rechter sentenci gheuen als hi toornich | is. Men leest inden croniken vanden keyseren van romen dat | die keyser otto die eerste van dien namen had op een tijt inder | hoochtijt van paeschen allen sinen princen ende heren een groot | werscap bereyt Ende eer datmen ghinck sitten quam daer een | [25] cleyn kijnt een vander princen kinder ende nam vander tafel | wt kijnsheyt een scuttel spisen Dat sach die dienre der tafel ende | nam een stock ende sloech den ionghen dat hi ter aerden neder | viel Ende doe dit des ionghen meester sach wart hi seer toor- | nich ende voer toe ende sloech den dyenre ter stont doot. Dit | [30] quam voer den keyser ende als hi des ionghen meester sonder | audienci verwijsen woude ter doot viel die meester op des kei | sers lijf ende werp hem ter aerden ende soude hem ghedoodt | hebben hadde hi niet vanden gheen dye daer by waren verlost | gheweest Ende doe die keyeser ¹⁶⁷ mit nauwer noot wt sijn han- |

166 M initiaal, 1 regel hoog, met zichtbare representant.

167 keyeser lees: keyser.

[fol. g1v]

den was gheboet hi datmen hem op leyden soude ende vangen | Daer nae als hy hem wel bedocht riep hy dat hy scult hadde | dat hy wt toornighe moede. der hoechtijt gheen eer en hadde | bewesen ende liet den meester vrij ende quijt |