Dialogus Creaturarum dat is Twispraec der creaturen

Van wijnruy ende venijnde beesten ses ende twintichste dyalogus |

Wijnruy ¹⁰⁹ heeft in hoor veel virtuten Mer sonderlanck | [15] wanneer dat mense stoot ¹¹⁰ mit loock sout ende noten ende | mense alsoe eet of drincket datse goet is teghen alle ve | nijnt al waer een mensch oeck van venijnde dieren ghebeten. | Hier om wantse aldus venijnt verdriuet soe vergaderden op | een tijt alle die venijnde beesten ende quamen tot hoer ende seyden | [20] Wi bidden di dattu dy van die werlt wechdoeste ende dattu dy | niet en onderwindes tusschen ons ende dat gheslachte der men- | schen Want si onse vianden sijn waer om dat wy alle onse best daer | toe doen om onse venijt ¹¹¹ onder hem te saijen want si ons gheren |

109 W initiaal, 3 regels hoog, met zichtbare representant.

110 stoot lees: stooct.

111 venijt lees: venijnt.

[fol. e2r]

te verderuen ende veruolghen ons sonder ophouden Die wyn | ruy antwoorden uwe woorden sijn boes ende bedriechlic als | inden souter van v ghescreuen is dat vernijnt ¹¹² der serpenten is | onder hoor lippen verburghen O quade beesten waer om wil dy | [5] den menschen verderuen dien god inden beghin ghescepen heeft | ende gheset een heer bouen ons allen Ende want ghi segt dat | ick graci ende cracht teghen v heb ende teghen v venijnt soe en | sal die graci godes in my niet ydel wesen mer sal altoes in my | bliuen. ende sal altoes v contrari wesen op dat ghy dat grote | [10] quaet niet en doet Ende seyde voort. DIe ¹¹³ goeden sellen | wesen in machtigher staden. bouen die quade op dat si niet en | scaden Aldus sellen die prelaten ende ouersten altoes wijselick | die quade bestueren ende hem teghen staen ende corrigeren om hoor | misdaet want seneca seyt die den quaden spaert bescaet den goe | [15] den Die rechter en sal den quaden niet sparen want dye rechter | die den misdoende niet en corrigeert dye ghebiet quaet te doen | als hy oeck seyt Hier om seyt ambrosius. Wanneermen den on | waerdighen vergheeft. soe worden veel luden tot die sonden | verwrect ¶ Valerius scrijft van bruto den senatoer van romen | [20] dat hy sijn eighen sonen dede vanghen ende binden an een pael | ende mit roeden seer gheesselen ende ten lasten mit een bijl dat | hooft of slaen omdat si tarquinum die hy van romen als viant | verdreuen had weder inbrenghen woude. want hi lieuer had | de sonder kinder te wesen dan gheen iustici te doen ¶ Des ge | [25] lijck vertelde oeck augustinus inden boeck vander stat goods | dat op een tijt doe dye keyser van romen gheboden had opt | lijf te verburen dat nyemant teghen dye vianden vechten en | soude. dat doe sijn soon dicwijl vanden vianden gheeysschet | wort teghens hem te vechten. dat hem sijn vader daer om de | [30] de dooden om dat hy syn ghebot hadde ghebroken op dat hy | die rechtuaerdicheyt strenghelick soude houden hoe wel noch | tant die soen die vianden verwonnen had ende romen van hoer | vianden verlostOeck leest men inder coninghen boeck dat saul | dye eerste conynck van ysrahel sinen soon. Ionathas woude |

112 vernijnt lees: venijnt.

113 D initiaal, 1 regel hoog, met zichtbare representant.

[fol. e2v]

dooden om dat hij bouen sijn ghebot dede ende nochtans dye | vianden verslooch ende grote victorie had op dye philistinen. |