Theatrum stultorum

[p. 125]

Stvltitia
Belarum circà vestes.

Emblema.
Sartor Lunae vestem contexens.

Stabiles nescit habere vices. Ovid. Trist.

O Caput Elleboro nunquam sanabile! vestem

Lunae concinnam texere quando cupis.

Crescit, decrescit, caelo mutabilis errat;

Inconstans stabiles nescit habere vices.

Nunc cornuta micat, nunc est teres atque rotunda;

Vestis ei quovis tempore nulla quadrat.

Anticyras volita, Belgae quicumque la cernam,

Thoracem, aut braccas, scindere Sartor aves.

E voto nunquam nitidè confeceris; apta

Vestis ei quovis tempore, nulla datur.

Nunc caligas clausas, nunc braccas diligit arctas,

Nunc latas, quales Gallia stulta gerit.

Vela putes; expansa ratem propellere possent,

Postremâ quoties ventus ab arce favet.

Sed quid de capitis villoso tegmine? turris

Jam geritur, subitò parvula trulla placet.

[p. 126]

 

Materias inter diversas, instrue Belgam

 

Forficibus nudum, vestierisq́ue benè.

 

Dicite, quis sapiens risum compescere posset,

 

Haec ubi Belgarum facta jocosa videt?