Theatrum stultorum

Stvltitia
Floricolarum, aut si mavis, Floristarum.

Emblema.
Hortus florum; eorum cultores aliquot, cum capitio Fatui, de floribus disceptantes: Morio qui sordes alvi praedicat.

Cuîque suum benè stercus olet.

STultus ille, blennus ille,

Stercus alvi praedicat;

Nectar illud, mel suave,

Clamat esse saccharum;

Mille sordes Carolinis,

Mille Libris aestimat.

Cuîque nempè quam cacavit,

Merda fragrat optimè;

Quisque gesta quae patravit,

Stulta quamvis, evehit.

Huc àdeste, quos decora,

Chloris alma diligit;

Totus autem ridet orbis,

Et cachinnis excipit.

[p. 115]

 

Haec tabella vos ad unguem

 

Quotquot estis exprimit.

 

Nempè flores qui cloacam,

 

Quiq́ue spirant nauteam;

 

Buxeosq́ue, luteosq́ue,

 

Laude summâ tollitis.

 

Hosce mille vos talentis,

 

Mille Scutis penditis.

 

Hisce, quidquid Sors amicâ

 

Fronte donat, perditis.

 

Eia salve turba stulta,

 

Turba salve ludicra:

 

Picta vobis palla quadrat,

 

Atque tintinnabulum.