Theatrum stultorum

[p. 111]

Stvltitia
Alchimistarum.

Emblema.
Tantalus ad mentum usque in aquis; suprà caput, arbor pomis repleta.

Spes mihi semper adest.

TAntalon hîc cernis miseros perferre labores,

Qui conviva satur Numinis antè fuit.

Arboreos inter foetus & Punica mala

Esurit, & medias jam sitit inter aquas.

Nam quoties gratos tentat decerpere fructus,

Et bibere, à labris arbor & unda fugit.

Spes bona semper adest, nunquam res ipsa palato;

O! nimiùm domino lingua nociva suo!

Chimice quid rides? Mutato nomine tantùm,

Haec tibi, quam rides, fabula ritè quadrat.

Cerneris assiduò duros perferre labores,

Pelves & folles nochte dieq́ue moves.

Divitiis inhias, aurum conflare laboras,

Elixir, sulphur, Mercuriumq́ue coquis.

AEs, plumbum, herbae, divinus lapis ille Sophorum,

Multaq́ue, quae taceo, fulva metalla placent.

[p. 112]

 

Aurum ex his quaeris Chimista, & falleris amens:

 

Pauperiem conflas, praetereàque nihil.

 

Aurum inter, vacuus suspiras jugiter auri;

 

Res tibi vix unquam, spes tibi semper adest.