Theatrum stultorum

Stvltitia
Imprudentum militiae Ducum.

Emblema.
Auceps, cujus rete nimis apertum, aves vitant.

Quae nimis apparent retia, vitat avis.
Ovid. lib. 2. de Rem. Am.

INsane, vecors, quid tuum frustrà teris
Ad rete tempus? mente, si nescis, cares.
Nimis est apertum: poteris his nullas plagis
Captare volucres, retia haec vitant aves.
Reconde pedicas, falle versuto magis

[p. 75]

 

Lino volucres, subdolè viscum tegas.

 

Hostem ferire, capere Dux hostem cupis?

 

Stultescis; animi tecta non satis tibi

 

Secreta servas; facta, consilia haud satis

 

Cautè recondis, hostibus palàm volant.

 

Vis sapere? turbas victor hostiles ovans

 

Vincire ferro? tecta consilia colas:

 

Arcana mentis nemini pandas tuae.