Boto, barku, bapor
| Bapor di karga |
Lancha, kore kosta |
| Guigui, kayuka |
Chapaleta, timon |
| Bapor di zeta |
Kompas, strea di nòrt |
| Balandra (ku un master) |
Bodega, kamarote |
| Golèt (ku dos master) |
Pagai pa bua kanoa |
| Brik (ku tres master) |
Ria bela, hisa bela |
| Yola, kanoa, ponchi |
Lanta o basha anker |
| Boto di bela, di motor |
Tripulante, kaptan, matros |
Sa bua kanoa, frek ponchi, rema boto (hala rema). Un boto chkitu ku bòm plat ta un yola. Na parti patras di un barku grandi sa tin un boto chikí kologá, pa ora ta rema bai kantu; esei ta un guigui. De bes en kuando ainda por mira un kayuka tras di e barkunan benesolanu, esaki ta trahá di un tronkon di palu. Kabe'i boto (kabes di boto) ta dilanti den boto, kaminda awa ta muhabo; ei bo por a sinta pòrnada.
Ora un bark'i bela drenta haf o boka i e ta seka di bai mara, su matrosnan ta ria (baha) bela. Ta hisa karga den lèngu i bah'e den bodega di bapor. Kaptan Jerry Newton a bai te Oropa ku un barku di bela. Pedro Luis Brion a drenta un boka na nòrt di Korsou ku un barku di bela. Tur bapor o barku ku ta bai drenta nos haf tin ku tene kuenta ku e koriente fuerte ku tin ei dilanti. Den nos istoria nos por lesa ku Van Walbeeck a sinti efekto dje koriente ei dia nan a yega Korsou na 1634.
Den tempu kalmu sin bientu nabegantenan den bark'i bela sa fleit bientu, p'e lanta atrobe. Loke un kaptan nenga, su matros si ta gusta (tur hende no tin e mesun gustu). Johans tin un lancha na su pia (sapatu muchu grandi). Si bo komete un eror grandi, b'a pega barku.
Kada barku wanta su bela (kada hende regla su mes asuntu). Antonio a kore yega bela yen (mashá purá). Barku mará no sa gana flete (esun
Auteursrechtelijk beschermd