Riba e promé djarason di kuaresma nos ta bai tuma shinishi. Papel kimé ta hende kasá. Barika hel ta bachi pretu na Boneiru. Mundu ta rondó; esun ku t'ariba awé, t'abow mañan. Largu manera kuaresma. Gordo manera porko. Chupá manera infrou den temp'i sekura. Dochi ta kik largu bai (konstantemente). Awor akí mi stoma ta delegá (mi tin hamber). Kaminda kabuya ta mas delegá, ei e ta kibra.
Esun ku subi altu, lo kai hundu. Mi ta kere bo palabra, pero si bo pon'e pretu riba blanku Io ta mihó. Antes tabata kustumber di bisti na berdè riba Dumingu'i rama. Ki tamaño di flus i sapatu bo ta bisti? Hòmber chikí ta un spiritu ku tamaño di un hende chikí. Ta nifika anto ku ora polítikonan ta papia di ‘hòmber chikí’, nan ta tradusiendo fo'i ulandes i papia bestialidat. Un mucha alsá ta un mucha fresku i sin manera.
Ni ku bela di koló no por a hañ'e. Berdè herebé (pinda herebé). Hende muhé sa rushi (ruzji) kara. Un hende ku parse pinda di un pipita ta un hende kurpa chikí. Un glas yen o na mitar. Blousa (torta) un hende su wowo. Blanku manera lechi. Bon mirá e ekspreshon ‘neger stabachi’ ta un redundansia, meskos ku ‘djuku pretu’. Pola korá tambe ta meskos, pasobra ‘pola’ ta un tela korá ku antes tabata uza pa fura kusinchi.
Naturalistanan a observa ku koló di hopi bestia parse esun di nan ambiente. No ta fasil pa mira un totolika pará ketu riba tera. Bo mester tin bon bista pa mira un yuana den baranka. Muchanan sa bisa ku ora un kaku saka su sambèchi, e ta koba mama. Pero e sambèchi koló oraño ta sirbi pa atrae insekto, p'e kaku kome. Un hende ku kara di luna (kara di laba ku dos man) tin kara hanchu.
Dader skalein tin kuminda koló poko blanku. Ademas tin dader ku kuminda oraño i korá. Si un persona a keda wowo so, e ta masha flaku, Hanchu pa bo, smal p'ami ta lei di trektu (midimentu ku dos midí). Un sombré ku mal fasun (forma). Dobla lomba di morkoi pa subi un seru. Un lorada skerpi. Un kaya stret.
Lombe (lomba di baul). Pi'e krèps. Pech'i palombra. Barik'i lodo. Kabes di kipashi. Frenta di tutu. Kachete di wil. Nanishi di tampañá. Pi'e flerchi. Man manera hapa.
Nan sa traha marmulada (di guyaba) den diferente forma. Ora dos hende kasa, nan ta bai forma un famia. Esta mal fashi (forma) Madalena tin. No bin forma nos ningun kestion.
Auteursrechtelijk beschermd