Lektor:
ta yega un kaminda ku mi mester sera brek. Maske kuantu gana mi tin di sigui. Maske kon pimpá nos idioma ta di palabra i ekspreshon.
No ku m'a fada ni kansa. Ta djis un rosea mi ta kue, pa mi bolbe bati bai. Pasobra e kos aki a bira un bisio.
Loke mi ke pidi ta esaki: No mira e trabou akí komo ‘educacao bancario’ (un ekspreshon ku m'a fia di Paulo Freire); si b'a sinti sabor di nos idioma, anto sigui buska bo mes tambe.
Bo tin tur derecho di trata e obra akí na un manera krítiko. Ami lo ta gradisidu pesei. Bo sa mes bon ku mi ku nos por yega nos meta pa medio di interkambio di idea i pensamentu, aseptando nos tur dos su inkapasidat, fálta i fayo, pero ku e deseo konstante di siña di otro.
Unda bo ta kere m'a haña sa e ekspreshon ‘un hende na su winda winle’? Seka mi muchanan na skol!
I ora bo kere ku b'a kansa, no perde kurashi ni kabes. Pasobra den e obranan di Antoine Maduro tin ainda un monton di tesoro ta wardabu.
P.A.L.
Pa mi raspá di wea: Taviño.
Auteursrechtelijk beschermd