Un selekshon di palabra i ekspreshon. Deel 1

35 Sala i kushína

Muebla un kas	Kashi di paña
Stul di zoya	Tualèt
Stul di sosiegu	Wea, paila, panchi, hapa
Sofa (kanapé)	Wea di funchi, konfo
Potrèt, kwadro	Tafla, paña di mesa
Saibor, stof, fogon	Drempi, plafòn
Fòrnu	Swela (flur) di mosaiko
Basora chikÍ, rabòl	Lus, balòn, lampi, shangilié

Den último añanan un televisor a bira sentro di hopi hende su bida i tin basta ku a bira su katibu.

Fonograf ku su man di duna kwèrdè a bai fo'i moda; awor ta tur sorto di aparato estereofóniko pa reprodusí muzik ta manda. Owto o motor tin ‘man di krènk’.

Komo aluminio ta fwerte, liviano i durabel nan ta uz'é no únikamente

[p. 47]

pa wea pero pa muebel tambe. Por sièrto esei a hasi un muhé su trabow di kas mas fasil.

Antes mester a lastra na kwater pia, pa frega swela di tabla ku skeiru. Awendia ta un mòp ta pasa riba flur di mosaiko o linoleo.

Si bo bisa hendenan di awendia ku promé ayá tabatin dos ‘skupidó’ (spilbak) den sala, nan no por kere.

Pa kita nèshi di araña kontra di plafòn mester pasa un rabòl.

Un estranhero a yega di observá ku ta fasil pa haña sa ku un sala ta di un Yu di Korsow; pasobra e no tin nada di su mes pais kologá den dje; mientras ku tin tantu kwadro, artíkulo i máta di nos mes lugá pa duna nos sala un ambiente agradabel, sin tin mester di uza ‘ko'i pronk’ di afó.

Mesa di kantu por a pasa pa istoria; sinembargo e ta duna un sala un toke espesial.

Den kashi di paña nan sa pone un sorto di rais ku tin oló di sándalo.

Mester fèrf parti paden di un kas ku fèrf di awa i parti pafó por uza fèrf di zeta.

Stul konchwá i kolchon ta muchu kalor pa nos klima. Riba kater ta masha salú pa drumi, pasobra e pañ'e bela ta buta ku bo no ta soda.

Pa bo kòrta leshi abow na muraya bo mester wanta bo rosea, pa bo man no skit i ‘pinta ola’.

E klaridat debil di un lamp'i korozin semper ta keda romántiko.

Awor akí nos ta bana bow di ducha, pero antes nos mester a sinta den zim o tobo, pa laba rustu fo'i nos kurpa.

Despwes di un bon baño nos ta uza un desodorante, pero awa di lamunchi ta hasi e mesun efekto.

Biewnan ta pretendé ku un kumínda kushiná riba karbon den konfó ta sali muchu mas dushi ku riba stof di gas o di korozin.

Ta den un sala grandi bo por ‘skirbi’ un wals di Korsow.

Te ainda tin hende ta uza un karkó grandi pa tene un porta habrí.

Labizjan ku tinashi a kria polèt i nan a ‘subi’ di kushína pa sala o balkon.

Hopi famia tin nan ‘hende di swèltu ku pia lihé’. Esaki ta e úniko persona ku tin derecho di drenta kas komo ‘esun di promé’ djis despwes di tiru di Aña Nobo.

Zamba ta pasa sket. (Bo saya ta pasa i kologá mas abow ku bo shimis). ‘Sket’ ta derivá di ‘schut’. ‘Zamba’ tabata antes un karna di algun tabla riba pieda.

Den un fènsu sa machiká kané, zjozjolí o pinda. Den un pilon sa bati maishi ku e'manga’ di pilon.

Si bo ke namorá un galiña, bo tin ku ‘pidi na kas’, pa nan ‘dunabu un stul’.