Un selekshon di palabra i ekspreshon. Deel 1

34 Kas

Nos tin nos mes kas.	Kas di shon
Traha o lanta un kas	Kas di pal'i maishi
Kas di pieda, di tabla, di blòki	Koba fundeshi
Hadrei, sala, kamber, kushína	Lanta muraya
Dak, het, panchi, plancha di zink	Bek i pleistu muraya
Un kasita den kunuku	Hala flur di semènt
Mi bohÍo	Plenchi, stupi, balkon
Un kowch'i palomba (kas chikí, pèrtá)	Skòt un kamber
Porta di saya ku djèki	Pone porta na kap
Kas ariba ku abow	Rèndu porta
Sera na kandal	Pone tránka
Porta di kurá	Bodega, sòldu
Un trapi di sinku tret	Komedor, baño

Hasibo na kas! (komodabo!)

Mi ta bai traha mi kas, ku su porta ku su bentana. (Hende ku miedu di muri ta bisa asina, pasobra un kaha di morto (ultimo kas) no tin ni porta ni bentana).

Elena ku Tonchi a forma un bibá (kasa o biba).

Nan ta pretendé ku den un kas na di dos piso sangura no ta molostiabo tantu.

Hopi hende tin kustumber di pasa (dal) nan kas un man di fèrf poko promé ku Pasku.

Awendia tin kas prefabriká ku ta mashá fasil pa arma; pasobra tur e trabow difisil di karpinté ya ta hasí di antemano. Tur e diferente partinan ta kòrtá na midí, di moda ku e doño ta djis pega nan na otro.

Number di kas ta sea na porta dilanti o na porta di kurá.

Tin un batimentu na porta. Mira ta ken.

Tur hende ta gusta un kas ku komodidat.

Bon bisiña ta kasi un premio mayó.

Ta fasil si tin un tienda bon surtí den bo vesindario.

Kon ku bai bini, kas ta kas.

Henter dia e mucha ta riba kaya. Parse ku su kas ta kayente!

Hari den kas, bai yora den kushína. (No laga nan mira bo tristesa)

[p. 46]

Ku danki mi kushína no por huma. (Palabra bunita no ta yena mi stoma)

Djo ta biba te den chokamata. (Tras di lomb'e Dyos, den kul di mundu, mashá lew).

No kibra fòrti, traha batrei. (No destruí loke bo tin, pa traha algu di menos balor). (No bandoná loke bo tin, pa buska algu di menos balor).

Nos a gana kas banda di tres or', (yega kas....)

Bo no tin nada di bisami. Bai manda na kas!

Asina pone span riba kas, mester hisa bandera; ora koba pas di W.C. mester mata un gai o un galiña, basha su sanger den e buraku.

Kombidá un hende na misa, na mesa i na kas. (kombidá pa asistl na sakrifisio di misa, pa risibí Santa Komunion (mesa) i fiesta na kas. Morto ku morto na santana, bibu ku bibu na kas. (mester lubidá tristesa i dal bai).

Porfin m'a kwe bo nèshi! (Porfin m'a haña sa unda bo ta skonde bo kurpa)

E ‘kowch'i palomba’ ku nan a ofresé nos ta mashá pertá. Ei den bo ta keda manera saldinchi na bleki.

Sokle di: Mihó flaku na mondi ku gordo na kas. (Mihó mi tin libertat ku stoma bashí, ku barika yen i prezu).

Kanina a subi sòldu. (El a bira biew; e no ta menstruá mas).

Butami (bentami, tirami) na kas. (Hibami kas).

Drumi na swela riba kam'e pushi (kama di abri abow)

Pober Dochi no tin ni kas ni famia. E ta biba di gremesí. (Un bida mizerabel, di limosna).