Kada baka ta lembe su bisé. (Kada ken ta stima su yu mas ku di otro. Un hende ta yuda su mes o su famia yegá promé ku otro).
Banana a muri ma vípe t'ei. (Tata o mama a muri, pero el a laga yu ku por kwida e famia).
Un muhé ku mashá mal barika. (Tur su yunan ta kwe mal kaminda). Biná semper ta tira pa mondi. (ta nifiká meskos ku ‘Kada baka ta lembre su bisé).
Traha manera buriku di wela. (Duru i konstantemente).
Si ta kasa bo ke kasa, kabaron lo bo kome. (Despwes di kasa lo bo sinti duele).
Kabritu ta tira pa seru, karné pa ter’ abow. (Meskos ku ‘Kada baka ta lembe su bisé).
Pa chikí ku kachó ta, e sa kon grawatá su sarna. (Asta mucha chikí sa kon defendé nan kurpa).
Na su kama di behes, sarampi: 1. Hòmber grandi (biew) ku ta hunga papel di chabalitu. 2. Muhé ku haña yu na edat avansá.
Kamisa ta mas yegá ku saya. (Yuda bo mes i bo famia promé ku otro).
Bo por rèndu rònt mundu si bo ke, pero kas ta kas.
Korsow ta mal mama ma bon madrasa. (Esnan djafó ta haña mihó trato ku yu di tera).
Bon kriá, mal fadá. (Loke ta bisa di yu ku a haña bon edukashon na kas, pero ku despwes a kowsa nan grandinan tristesa pa via di nan mal komportashon).
Un mucha pa su kwenta. (Un mucha ku ta falta bista di su grandinan). Pampuna no sa pari kalbas. (Un yu ta parse su tata o su mama). (Di mal mayó no por sali bon yu).
Dia galiña ta kontentu, warawara ta kwe su yu. (Ora tin legria den kas, tin tristesa djis tras di porta).
Bai den bo pepe! (forma swave pa p.e. ‘Bay na mowla’).
Bo parse much'e pepe. (parse sokete malu).
Mucha kriá den saya (un poko afeminá mimá o malkriá).
E tambe ta yu di Dios. (E tambe tin derecho di haña algu).
Yu sin mama ta kumínda di warawara. (nan ta pasa mal bida).
M'a mira mi wela sunú. (Tabata un eksperensha desagradabel. Un dolò duru a kòrtami).
Den changa di wela no sa falta wes'i yòrki. (Den makut'i, wela n' sa falta warawara). (Den tur famia bo sa haña un puta o un ladron).
Si bo no tin mama, lo bo mama wela. (Bo mester konforma i uza e kapasidat o posibilidat ku bo tin).
E mucha tabata kore riba kaya manera su mama a parié. (Blo sunú).
El a lanta delikadu manera Reiní, pasobra semper nan a yayé, kargu'é den pañal. (trata ku delikadesa).
Auteursrechtelijk beschermd