Un selekshon di palabra i ekspreshon. Deel 1

26 Kombersashon

Papia na bos altu	Hiba un kombersashon
Baha stèm	Diskutí riba un asuntu
Papia pokopoko	Pleita ta mahos.
Un gagu ta gagia	No pusta boka ku mi. (No streik ku mi).
El a bisa algu kuchikuchi	Hasi un pregunta (puntra)
Laga di ta gièrta den mi kabes!	Duna kontésta (kontestá)
Sera boka! Keda ketu!	Un tistigu ta deklará....
Wanta brek!	Chalalá, blèblè, piapia
Sera port'e garashi!	Yena mundu ku palabra
Mi ke ponebu na altura ku....	Asina kombersashon a start....
Semper e tin ku kontradesí nos.	Tira un diskurso
Proponé un idea	Ekspresá un opinion
Sugerl un plan	Hasi un sugerensha
Saka chiku (gaña)	Kòrta un hende su palabra

Tin hende muhé ku sa gusta para chalalá ku bisiña sin hasi nan trabow di kas.

Laga di ta blèblè soketada den mi kabes!

B'a papia asina tantu kos bruá te ku a la largu bo ta piapia. (papia nònsèns).

Si bo ke diskutí e kaso ku seriedad, mi no tin nada kontra, pero no bin pleita pa gana.

Nos a palabrá ku nos lo ta na Hato nueb'or di mainta.

Nos a kunbinl pa kumpra e kas pa dies mil florin.

Señorita por dunami algun informashon tokante e biaha di otromañan?

Mi tin ku ponebu na altura di loke a pasa ayera.

Blachinan dje pal'i tamarein tabata kuchikuchi ku otro den bientu di marduga.

[p. 35]

Ta kore un rumor ku tin un orkan na kaminda.

Un lokutor di radio o televishon mester sa papia i pronunsiá bon.

Nea a bisami algu kuchikuchi den mi orea.

Tin bunita palabra di kariño i kondolensya i tin palabra di yudansa i legria pa e dianan ku un hende ta tristu. Tin palabra ku ta bula balia i tin ku no por sonreí, pasobra mester ekspresá nan na tono solèm.

Papia ta humano, silensio divino!

Papiadó di bèrdat no ta haña stul p'e sinta.

Felipi no ke tende su bèrdè; pesei el a kita bai purá.

Bo palabra ta pidi rospondi. (mester reakshoná riba loke bo a bisa). Kada palabra tin su doño. (Si b'a kere ku ta p'abo, anto tum'é numa). Tur kumínda ta di kome, ma tur palabra no ta di papia. (Mester frena lenga).

Nan no a lanta su palabra fo'i swela. (Nan no a kontestá ni reakshoná). Pa papia ta nada, ta pa hasi t'e kos. (Bo por yena mundu ku palabra, pero akshon ta bal muchu mas).

Papia un, papia otro. (entre paréntesis).

Bon bisá, bo tin rason.

E palabra tabata na mi punt'e lenga.

Est' un leng'e tolèlè bo tin. (Bo boka no sa para ketu, bo ta papia kos ku mester keda sekretu).

Ora el a tende kon e asuntu ta kome-bebe, kampana a guli lenga. (E no por a kontestá nada).

Mi mester a keda ketu, pero mi boka a slep.

Palabra bèrdat! (Ekspreshon ku ta uza ora bo ta papiando algu di un hende i e persona blo di ripiente).

E periodista a tene un entrevista ku e ministro nobo.