| Un okupashon (un ko'i hasi) |
Fábrika di bela |
| |
Kas di lus, Kas di awa |
| |
Hefe, doño di trabow |
Den un karpinteria sa tin hopi sas di palu.
Un blekero ta uza staña pa solder bleki.
Ta kòrta un tabla ku za(g) i kap ùn palu ku hacha.
Sa koba kinichi di boto ku un désu.
Mi yu ta bay wenkel, pa siña un fishi.
Un forman tin varies hende ta traha bow di dje.
Bo ta un klabu na mi kaha di morto. (Bo ta kowsa mi morto).
Yanshi no ke sirbi di mèsla. (E no ke tapa e malu ku otro a kometé).
Kuminda di sapatè: (Karnisa kimá den papel i komé ku pan será).
Si nan yamabu un ‘lapistòn’ ta un ofensa, pasobra ‘lapistòn’ ta e pida heru ku un sapaté ta bati kweru, sole riba dje.
Despwes ku James Watt a traha e promé mashin di stom, e periodo di Revolushon Industrial a dal aden, ku tur e problemanan di desempleo.
Hende tin kutis. Bestia tin kweru. Awnke nos sa bisa: ‘B'a pika mi kweru ku bo ofensa’, i di un hende ku a traha hopi den solo: ‘E tin kweru kurtí’.
Un ‘mèsla di awa dushi’ ta un ku no konosé su fishi bon.
Un klabu ta saka otro. (Klabu ta saka klabu): Pa via di un kontratiempo bo ta lubidá esun di promé.
Un ‘Wan-shete-fishi’: 1. Esun ku sa di tur un poko. 2. Esun ku a frakasá den tur.
Nos ta ‘kwe’ un djòp, ‘traha’ un trabow, ‘lora man’ ku algu, ‘okupá’ un pwesto, ‘praktiká’ un fishi, ‘wanta trabow’ pa otro hende.
Esun ku ta ‘taha palu’ (fingi traha) nos ta bis'é: ‘Muf bo atras i hasi algu pa bida’.
Tuma un kos hasi fishi. (hasi un kos bira kustumber).
Fishi di araña. (Trabow ku no ta kaba nunka).
Don Pereré, kada un ku su fishi. (Hasi loke bo tin kapasidad p'e).
Auteursrechtelijk beschermd