Mi lenga. Deel 1

[p. 43]

Di djesun les

No laga nunka pa despwes
loke bo por hasi awor unbes.
Sigi konseho di Chodó:
T'awo mes t'aworo!

Solo a sali Djan na Montaña,
loke sa pasa rara bes den aña;
ma ta bon pa bolbe kòrda mamay:
Tempran ta bende, lat ta malay.

Pa ekshortá un persona p'e ta aktivo,
nos por bis'e: Barku mará n' sa gana flete.
M'a komadernan di marshe ta preferá di zembla:
Bo meste kana pa bo sanka tembla!

Si bo spera kos baha fo'i shelu,
drumí pech' ariba den bo kama,
nunka lo bo n' haña nada.
Esun ku n' ta yora n' ta mama.

Pa stimulá aktividat,
kombatí osyosidat
Bo por bisa sin nada troka:
Man bashi n' ta bay boka.
No laga solo salibo na kama,
pasobra bo kurpa ta morchá;
biba bo fe, no kabishá:
Baka ku yega pos prome
ta bebe awa limpi.

(Di ‘Pa distrai’, Antoine J. Maduro)

Entre juli 1967 i desèmber 1968 Antoine Maduro a skirbi ‘Pa distraí, loradanan di bida’. Ei den, na un fórma chistoso, el a duna hopi sinónimo di nos provèrbyonan i modanan di ekspresá. Antoine ta esun ku a ‘sambuya’ den Papyamentu mas ku ningun otro persona.

[p. 44]

Kon por laga? (Ta klaro, sigur sí).

Laga kay! (Disparsé, laga tumba, mira pa bo dirti aki fo). Nan a laga otro, despwes di a biba dushi-dushi shete aña.

(Hala for di otro, bandoná otro).

Lag'e ketu, mi ta hañ'e despwes.

Laga loko! Shon, laga para! (No hasi pantomina. - kasi bo no por kere).

Laga na kaya (bandoná).

Awor poko ei (un ratu pasá).

Awor aki mes (mesora).

Kada aña pa kwaresma (un be pa aña).

Un aña riba un dia lo bo topa. (Tardi o tempran).

Tempu di aña. (Tempu di awaseru, di yobida).

Zembla un wanta, un chapara, katara.

Baha na awa (disparsé).

Baba na katuna (kore bay).

No baha bo rábya (nèrvyo) riba mi.

M'a kay dal mi kabes duru, di moda ku m'a mira shelu pa un pampuma.

Nada no ta kay for di shelu.

Si shelu kay, nos tur ta muri. (Si ta ke bo ke pa algu teribel pasa, ta bon anto).

Banana a bisti row, pa e no troka paña. (Pa hende ku ta bisti e mesun paña stret bay).

Troká ta keda troká te den porta di shon Arey.

Páranan ta troka pluma.

Troka klas (pasa klas).

Bo tin plaka troka? (Bo por kambya plaka pa mi?)

Ora awa kay, kada pos ta haña poko awa. (Kada ken ta haña un tiki, ora tin di bon).

Pos di pia. (Pa bestya kana baha aden i bebe awa).

Bo n' bay? (Bo no a bay?)

Mi n' ta bay. (Mi no ta bay).

Mane' bo di. (Manera bo di).

Paso' mi sa. (Pasobra mi sa).

[p. 45{problem}]

[p. 46]

5.	Kwa sorto di kontésta bo por haña ora bo puntra un hende ‘Kon ta bay?’
6.	Kiko ta un ‘pos di pia’?
7.	Menshoná algun otro moda di bisa ‘Bèshi manto’.
8.	Un pèrsona ku a bay largu, a bay un byaha di.........
9.	Antoine Maduro a ‘sambuyá’ den Papyamentu. Esey ta nifik [a] ku el a ......................................
10.	Tardi o tempran nos lo topa. Na otro manera bisa: Un aña.......................................