Kantika pa Bjentu

[p. 25]

Boluntat di biba

Te den kantu di asera,
ku su taj delegaritu
i su blachinan miskinja,
m'a mir'e ta para janga,
fòrsa bára, buska bida,
pretendidu i koketa,
bon choká den blòki di betòn.
Un máta lesma di katuna,
kriatura molostjá, ma jen di brijo,
desendjente di esnan
k'a krusa awa hopi tempu ja pasá,
pa trese bida pa nos pweblo.
Ta manera el a tuma
e promes' ajá na pechu.
E ke biba.
E ta primi, bini ariba
den e snèjf di tera sushi
ku finfin di awaseru,
pa e proba
ku ainda tin pendjente
un mishon di tempu bjew.