Kantika pa Bjentu

[p. 24]

Kansjon di paranda

Aserkabo, morena.
Ban subi e seru,
ban kamna baj shelu,
sin ansha,
sin mjedu,
ni nad'i purá.
Ban subi, morena.
Dunami bo man.
Ban subi, ban subi,
pa nos disparsé.

Aja riba tin bida,
tin kama di nubja,
dòrná ku serena,
oló di perfume
di mondi muhá.
Ban subi, morena,
Dunami bo man.
Ban subi, ban subi,
pa nos disparsé.

Lo mi pidi tur pára,
morena, dunabo
miho serenada,
pa pas'e belumbe
kantando felis.
Ban subi, morena.
Dunami bo man.
Ban subi, ban subi,
pa nos disparsé.