Kantika pa Bjentu

[p. 3]

Den atardi mi sa gusta

Den atardi mi sa gusta
weta solo skupi sangr ku shinishi
riba nubjanan su lomba,
meditando
kwantu be m'a sofoká
den ilushon i fantasia den mi bida.
Mjentras ketu mi ta hari
e fantasmanan ja morto,
ma k' un tempu a butami tolondrá,
trankilidat ta gatja bini pushi-pushi,
tira velo riba mi.
Na or' asina ta parsemi,
ku si Dios por pèrmitimi skohe
kon mi ke mi morto,
lo mi bira kontestá:
Si por, parew ku solo mi ke sambujá.