Arte di palabra

48. Skansion

Ora nos dividi un verso den diferente pia, bisando ki sorto di pia nan ta, i kwantu di nan tin den e verso, nos ta yama esei Skansion.

Un verso di dos pia ta:	dímetro.
Di tres pia:	trímetro.
Di kwater pia:	tetrámetro.
Di sinku pia:	pentámetro
Di seis pia:	hexámetro.
Di ocho pia:	októmetro.

Ora ta skandi un verso, mester tene kwenta ku lo sigiente:

1.	e kantidad di pia den e verso ta depende di e kantidad di sílaba aksentwá i no di e kantidad total di sílaba.
2.	un monosílaba aksentwá na kuminsamentu di un verso sa ta pará pa hasi trabow di henter un pia.

Bin, chuchubi al'i seda
bisa unda bo a keda.

R. Henriquez

Den un di pia trokeiko o daktíliko un monosílabo na final ta konta pa un pia kompletu, aunke den esun trotéiko e pia falta un sílaba noaksentwá, i esun daktíliko falta dos.

P.e.: Bi da / ta un / so-ño / so

(tetrámetro trotéiko) 4 pia.

[p. 49]

Mun du / ma lu / kon bo / ke mi / bi ba /

si bo n' / ke mi / mas.

(októmetro trotéiko) 8 pia.

Sin bo sa / sin nan sa / lo mi bai / lew.

(tetrámetro daktíliko) 4 pia.

No ta semper un metro ta hasí perfektamente kompletu. Tin be den un verso yámbiko e promé pia ta un trokeo.

Den un metro anapéstiko por tin un pia yámbiko.

P.e.: Ma ma / di dios / i nos / bo si / ta bon.

(pentámetro yámbiko).

Si bo stem / ki sas / por a na / mi pla ser.

(tetrámetro anapéstiko).

Ora ta skandi un verso, dos sílaba kortiku huntu por ta kontá komo ún, na fabor di e metro.

P.e.: Hunta realidad i fantasia

pa mi pari un poesia.

(Ornelio Martina)

Dos vokal di diferente palabra por ta ligá i pronunsiá komo ún.

Reino seku

di kadushi, di sumpiña

ku so lo i bientu so ta karisiá.

(Charles Boom)

Un verso di seis yambo ta un alehandrino. E nomber ta deriva di un novela tokante Alehandro.

Ripará ku meimei di un alehandrino tin un powsa kortiku. Den e prome verso e powsa ta entre dos pia. Esei ta un diéresis. Den e di dos verso e powsa ta meimei dje pia. Esei ta un sesura.

Un hexámetro tambe tin seis pia, pero nan ta dáktilo.

Un pentámetro tin sinku daktilo.