Arte di palabra

49. A-metria i antimetria

Ta konosi ku ni metro ni rima no ta faktor esensial pa poesia. Den tempu di J.S. Corsen nan tabata konsidera komo nesesario. Awendia

[p. 50]

nos ta mira poesia ku metro i tambe a-métriko. Frank Martinus a skibi basta poema a-métriko ku sinembargo ta kargá di bunita pensamentu.

Algu diferente ta antimetría. Esaki ta ora un poeta desvia di metro den un poesia métriko. Esaki ta algu tipiko den Luis Daal su obranan.

P.e.: Lo bo jora....

ora ku ni'un hende

n' ta mirabo

ku bon wowo

i bo bira hañabo

solitu i lubida

riba kaminda di bida!

Esaki no ta pasobra e owtor a faya téknikamente, pero pa motibu ku e ke logra siertu efekto. Bon mirá e dos último versonan dje poema aki riba ta logra su efekto netamente pa medio di antimetría.