Arte di palabra

10. Formanan di estrofa

Ta eksisti hopi fórma di poema kaminda e poeta ta atene na un kantidad fiho di verso. Un kombinashon fiho asina ei ta forma riba su mes o huntu ku otro un poema kompletu.

[p. 11]

Dos o mas verso ku ta forma un total nos ta yama un estrofa o kuplet. Den muzik nan su uza e palabra kuplet. Den poesia tin preferensha pa e palabra estrofa.

Estrofa di dos, tres o kwater verso, nos ta yama: dístiko, terseto, kwarteto.

Originalmente ta solamente un estrofa di dos verso, konsistiendo di un hexámetro i un pentámetro, nan tabata yama dístiko. Awendia nos ta uza e nomber dístiko pa kwalke estrofa di dos verso.

Un terseto ta un estrofa di tres verso. Hopi be un terseto sa rima aba. Un ehempel di terseto ta Luis Daal su ‘Lagadishi lastradó’:

Lagadishi, bo no por stop di lastra
riba bo barika pidi tera
pa bo kamna i baj dilanti?......

Un kwarteto ta un estrofa di kwater verso. Generalmente e ta rima aaba.

Den Henry Habibe su ‘Aurora’ tin un poesia di tres kwarteto, ku asonansia:

M'a drenta bentana;
bulando, bo sanguer!
Semper bo ta kanta
sunú den bo kamber?

M'a sunchi bo frenta,
bo lep, bo garganta.
Semper bo ta tembla
numa den bo kama?

Bo rosa a kai drumi
den anochi su plata.
Semper bo ta muri
ku un skochi flamá?

Soneto

Un kombinashon di dos kwarteto (oktavo) i dos terseto (seksteto) ta un soneto. Generalmente (no semper!) tantu e oktavo komo e seksteto ta forma un total kompletu. Na prinsipio di e seksteto ta kuminsa e ‘kibrá’ o ‘bwelta’. (Na italianu: volta i na franses: la chute d'un sonnet).

E sa tin hopi variashon di rima. Awendia nan sa skibi soneto di sinku pia yámbiko; antes di alehandrino (seis pia yámbiko).

Dante i Petrarca a origina e fórma di soneto.

[p. 12]

Soneto pashimá (Luis Daal)

 

Nan di ku mi n' por traha un soneto;

 

ku sintimentu so n' ta poesia,

 

ma ku un poeta tin ku enfrentá

 

doló 'i kabes ku métrika ta pari.

 

 

 

Di eful mas serjo téknika ta hari

 

i tog poetanan n' ta skrementa

 

i nos ta sigi sinti melodia

 

ku rima o sin rima di soneto.

 

 

 

Mi jaga t'un soneto ku n' ta rima,

 

ku, no p'esej, ta laga 'i grawata,

 

ku den su fondo tin un doló ta kima.

 

 

 

Kant'i kaminda 'i bida jongotá,

 

mi tin di sigui kwida i sigi mima

 

postema di un soneto pashimá.

Esaki ta origina di Italia. Kada stansa ta
konsisti di pentámetro yámbiko.
Den nos literatura te ainda no tin ningun
Ottava rima. E manera di rima ta kore: ab
ab ab cc.
Un stansa (estrofa o kuplet) ta un grupo di
tres, kwater o mas verso rimá.

(terseto). E ta konsisti di tres verso ku gene-
ralmente ta rima aba.

(kwarteto)

Ta pakiko mi no sa
ma esta tristu mi ta bira
tur atardi ku mi mira
solo baha den laman. (Corsen)

Stansa di kwater verso, kada verso di seis pia trokeiko. Esaki ta e metro di balada.

Buchi Fil, katibu toro di Kenepa
un mansebu kurpa grueso i sobèrbè
nunka su rudianan a tochi swela

[p. 13]

 

pa sutá di watapana ni karbachi.

 

 

 

(seksteto)

Un stansa di seis, pero no rimá nos ta haña
den ‘Un siegu’ di P.A. Jesurun (e dosnan
promé di e poema).

Nos a trat'e bow di Ottava rima.

Esaki ta skars den nos literatura. Un ehem-
pel ta e di dos kuplet di ‘Pensa un ratu’ di
Frank Martinus.
E poeta ingles Spenser a origina e stansa
di nuebe.

Rondel

E fórma aki ta derivá di Fransha (rondeau). Na Ulanda un rondel tabata konsisti di ocho verso, i den nan tipo di rondel verso 1, 4 i 7 tabata meskos, mientras e versonan 2 i 8 tabata igwal.

Esun franses, di 13 verso, tabatin e versonan 1, i 13 igwal, mientras 2 ku 8 tabata igwal.

Ripitishon di e versonan ta dun'e su efekto espesial.

Akróstiko

Den un akróstiko e promé lèternan di kada verso ta forma nomber di un persona. Antes den korant i revista kada be tabata sali akróstiko. Ta di kompronde ku tal sorto di ‘poesia’ kasi semper ta resulta forsá.

Refran

Un refran ta un poema ku estrofa di 10 te 20 verso. Kada estrofa ta kaba ku e mesun verso.

Refran ta salí di arte popular. E tin e balor práktiko ku den su ripitishon e ta krea un ambiente espesial.

Kantika popular generalmente sa tin un refran.

Poesia di kadena

Esaki no ta un síklo di poema! Pero kada verso ta ‘komunika’ ku esun sigiente, pasobra kada ultimo palabra di un verso ta rima ku e promé palabra di esun sigiente. Esei ta duna un efekto di eko.

[p. 14]

 

I lo nos bai mañan

 

laman, pa mir'e mamparía kútu

 

brutu ku a mata tantu nabegante.

 

Lant'e bela pa nos korta ola;

 

bola bela, bient'i ost konstante,

 

kant'e ritmo bon marká,

 

pa nos bai mir'e manparía kútu.