De Middelnederlandse boerden
(1957)–C. Kruyskamp–
Auteursrechtelijk beschermd
[pagina 33]
| |
V Van enen man die lach gheborghen in ene scrineaant.
Ga naar margenoot+ Voerdachticheit es altoes goet,Ga naar voetnoot1.
Soe waer men arch met arghe loent.Ga naar voetnoot2.
Eest boerde of ernst of hoe ment doet,
Diet ierst beghint blijft dic gehoent.Ga naar voetnoot4.
5[regelnummer]
Ene boerde wert v getoent,
Int lant van Loen gesciede, dats waer.
Hets recht dat men .j. goet wijf croent
Die haren man blijft even claer.Ga naar voetnoot8.
Een wijf hadde enen getrouden man
10[regelnummer]
Te Hasselt in die goede stede;
Gheen goet wijf en trects haer an.
In ouerspele dat si mesdede.
Si leende lieuer hare lede
Dan potte of pannen, si scuerde node,
15[regelnummer]
Luxurioes was al hare sede,
Si prees bruden naest den brode.Ga naar voetnoot16.
Dien goeden man was dat geseit,
Dat sijn wijf dreef ouerspel.
Lange heeft hi daer na lage geleit;Ga naar voetnoot19.
20[regelnummer]
Alse hijt bevant doen wist hijt wel.
Thuuswert quam hi gram ende fel
Ende sloech op sine doere met enen hamere;
Sijn wijf hadde doe ghespelt haer spel
Met haren lieue in haer camere.
25[regelnummer]
Tot hare scrinen dat si scoet,Ga naar voetnoot25.
| |
[pagina 34]
| |
Dat vrouken was sere vervaert,
Haer lief dat si daer binnen sloet.
In die camere quam die waert;
Hi sprac: Lief, loept metter vaert,
30[regelnummer]
Ghi moet mi halen des mans wijf,Ga naar voetnoot30.
Hi leit soe siec in onsen bogaert,
Ic moetse spreken sonder blijf.Ga naar voetnoot32.
Al op die scrine ghinc hi sitten
Daer dander man in lach geborgen.
35[regelnummer]
Twijf deedt node metter hitten,Ga naar voetnoot35.
Si sprac: Lief minne, beidt tot morgen.
Haer herte was vol van sorgen;
Haer weder paertie moesse halen,Ga naar voetnoot38.
Want hi haer node hadde geborgen
40[regelnummer]
Daer mede hi haer nv sal betalen.
Die vrouwe doe in die camere quam,Ga naar voetnoot41.
Sijns selfs wijf die bleef daer buten;
Al bider hant dat hise nam,
Die doere ghinc hi vaste sluten.
45[regelnummer]
Daer ginghen si onder hem bede ruten,Ga naar voetnoot45.
Hi creghse te wille, al deedt hem pine;Ga naar voetnoot46.
Ga naar margenoot+ Nu hoert hier waer ene grote clute:
Hy ghincse bruden op die scrine.Ga naar voetnoot48.
Die man inder scrinen moest gedogen,
50[regelnummer]
Hoet haer bequam, waest lude of stille;Ga naar voetnoot50.
Hi hoerde ende sach voer sine oghenGa naar voetnoot51.
Dat si moeste doen des cnapen wille.
Die vrouwe ginc maken groot gescilleGa naar voetnoot53.
Ende swoer, si soude hem doen nemen dleuen.
| |
[pagina 35]
| |
55[regelnummer]
Hi sprac: eer ghi gaet over de zille,Ga naar voetnoot55.
Salic v een juwelken gheuen.
Hij nam die slotel (si moest gedogen,
Sijns selfs wijf, si en dorste clagen),Ga naar voetnoot58.
Hi leide die vrouwen ende ginc haer togen,Ga naar voetnoot59.
60[regelnummer]
Int scrine ocht haer iet mochte behagen,
Enech juwel dat si woude dragen.
Haer selfs man dien vant si daer in;
Rouwelijc si elc op andren saghen.Ga naar voetnoot63.
Si sprac: bedroeft si dit gewin.Ga naar voetnoot64.
65[regelnummer]
Die goede knape van den huus
Hi sprac: nv makens wi gene gerochte,Ga naar voetnoot66.
Maer laet ons houden voer abuus;Ga naar voetnoot67.
Wi wisselden beide, dat mi dochte
(Hets messelijc wiet horen mochte)Ga naar voetnoot69.
70[regelnummer]
Int spel van onser beider wiuen.
Gaet thuus te gader, leeft voert sochteGa naar voetnoot71.
Ende laet ons goede gevriende bliuen.
Nota lxxij verse |
|