't Ulgerke van Keub: gedichte in remunjs dialek

Ich bön gebaore...

Ich bön gebaoren óm leef te höbbe.
Mien hert det geit
Dök, det 't boets toet taege die röbbe,
Wo-op daen doodskop sjteit.
Al reik en rèk zich auch 't verlange
Van miene gewillige geis,
Det waeljig hert det blief mer hange
Aan det voelazjig vleis,
Mie gaaloos hert, wo ónbedwónge
En wildj 't blood door sjleit.
Wie krieg ich dae garegeel gewrónge
Nao Leefde-n-in eeuwigheid?