Simsons treurspel

Klinck-dicht.

Wie staech in Neer-duyts soeckt zijn tael hier te onthouwen,
Die komt aenschout hoe ons Abram de Coninck milt,
Door zijn vernuft, en konst, te saem (hier leeren wilt)
't Bedroch dat heym'lijck schuylt onder beveynsde vrouwen.

Ghelijck als hier naer volcht, Const lievers wilt aenschouwen,

Hoe Delila door list Simson het hayr af scheert,
Die duyst manlijcke Mans het onderst' opwaerts keert,
Wierdt listich door een Vrou ghebrocht in groot benouwen.

Sijn vyandt seer verheucht, meende 't was doen te niet,

Doen Simson door een Vrou was komen in 't verdriet,
Maer zijn doot noch verslondt by dryduyst Philistijnen.

Hier in ghy mercken kont wat sterckte is met vliet,

Als onsen Rymert hier in re'en-rijck heeft bediet,
En aerdich op 't Tooneel sietmen 't nae 't leven schijnen.

L.V.Y.