Battaefsche vrienden-spieghel

[fol. A3v]

Sonnet.

VVAer waere vrientschap is, besitmen niet als eyghen,
Waer twee ghevrienden zijn is alles alghemeen,
Twee zijn daer niet meer twee, maer beyd' te gader een;
En tot elckanders nut goedwillich sy haer neyghen.

Noch tijdelijcken schat, noch goud noch silvre schijven

Den eenen niet alleen den andren gund in nood,
Maer selfs zijns harten lust, Wat segh ick? Jae de dood
En mach de scheydsman niet van waere vrunden blijven:

Diet Speelwijs lust te sien, kom herwaerts en aenschouwe

Hoe dat den eenen vrient den andren helpt in rouwe
Hoe dat den eenen trou des andren hulper is.

O Nederlandsche Jeught hebt niet soo lieff vercoren,

Waerom ghy laeten soud een lieven vriend verloren
Die boven alle goed seer dierbaer is ghewis.

Ghetrou altijt.