Het stamboek op de papiere snykunst van Mejuffrouw Joanna Koerten, huisvrouw van den heere Adriaan Blok: bestaande in Latynsche en Nederduitsche gedichten der voornaamste dichters

[p. 31]

In ejusdem artificium.

Viderat Amsteliae nuper miracula chartae

Pallas, & egregiae nobile mentis opus:

Atque ita: si Batava haec mecum certâsset Arachne,

Crede mihi, artifici forfice victa forem.

Nunc, age, Daedaleas quamtumvis, Graecia, lusus

Objice, & ista tui praemia Callicratis!

Si Batavos Graecis confers: artem inspice utramque,

Illam hominum dicas, hanc magis este Deûm.

Ergo, qui potuit terrestria fingere chartis

Numina, Diis forfex aequiparandus erit.

Aliud.

Diciti, Pierides, vestras quae vicerit artes,

Quo dignam pretio creditis esse Deam?

Excipit Uranie: cunctae assensére Sorores:

Haec magnos inter vivere digna Deos.

Si lyra, si crater media inter fulgeat astra,

Cur non & forfex chartaque Courteniae?

G. Kempher.