Het stamboek op de papiere snykunst van Mejuffrouw Joanna Koerten, huisvrouw van den heere Adriaan Blok: bestaande in Latynsche en Nederduitsche gedichten der voornaamste dichters

[p. 21]

Ad forficem D. Joannae Curteniae.

Miranda, forfex, erudita quam manus,
Quam promta versat, artis inventrix novae
Quae vincit acrem Apellis ipsius manum,
Scopaeque, quos jactavit olim antiquitas:
Simulare solers chartula vili suo
Quodcunque mundus continent vagus sinu:
Miranda forfex, num rogatu Cipridis
Te duxit ardens officina Mulciber,
Et libarali numine afflavit tibi?
An Gratiarum trina consensu pari
Largita dotes est tibi suas, ita
Miraculosas ingeni ut dares notas,
Esses ut invidenda cunctis artibus,
Ut tota jam Natura cederet tibi?
Quicquid profecto quicquid est istud, bona,
Divina, sunt, quae fingis humanum nihil.

D. Hoogstratanus

M.D.