Batavia

Briela.

Brielae à spatioso liberoq́ue alueo nomen videtur inditum, vbi Mosae fluminis amnem Rhenus Oceano affundit, vt Taciti verbis dicam, quo loco nauale praelium inter Ciuilem Batauum & Romanam classem tentatum, sed aequo Marte diremptum fuisse coniectant. Nomen non abludit ab Helio Plinij, vt fortassis ob latitudinem hostij, bre hiela, tanquam latus Helius, vulgari voce corruptâ appellatum sit. ⁺ Oppidum istud cum Geervlieto altero oppidulo in Vornâ isula situm est, vtrunque mediocribus fortunis, piscatores sunt plaerique incolae & è mari victum quaeritant. Ingens coeli grauitas in ea insula est ob maris viciniam, vnde magna & anniuersaria morborum materia pullulat: ager alioqui probissimum fert triticum, ita vt commune hoc habeat cum

+ Geervliet.
Voorn.

[p. 297]

Sardiniâ, cuius vt aër perstifer, ita ager quodammodò foecunditatis vber habetur. quae caussa fuit, cur, Fiscale horreum, non dubitarit eam appellare Saluianus.