Mvda.
Mvda ad Vectae amnis os sita gaudebat olim, & inani nomine oppidi freubatur, quùm moenibus bonâ ex parte careret; nunc portis qualibuscunque & vallo septum ac muris, sed humilioribus & intermedio spatio interruptis, solas domorum vicinias binas, ponte iunctas, medius interlabitur amnis iam dictus. Incolas habet plaerosque omnes piscatores. Adiacet illi arx opportuna satis ac munita vtcunque ostio Vectae in Austrinum sinum decurrentis, captiuitate Florentij Quinti nobilitata. Distat Wesopo ad tria passuum milia. Mudam fortuito incendio corruptam, reparatisq́ue aedificijs nouam, biennio pòst cremauit iterum Gelrus ante annos aliquot. Indigenae fabellam narrant de Sirenis à se captae & dimissae fatali sibi elogio, quo praedixerit Mudae nunquam ampliorem fortunam esse expectandam: de quâ qui istud commemorat Hermannus Goudanus, se fabulae fidem non habere, euenta interim rem satis docere testariq́ue perhibet.
Auteursrechtvrij