|
| |
| |
| |
Noch een ander Liedt gemaeckt by Anneken N. Op de Wyse, Na Oostlandt wil ick varen, &c.
Ick hoorde die Basuyne blasen,
Seer verde hoortmen haer gheschal,
In Jerusalem, in Edom, in Basen:
Die Boden roepen over al,
Haer gheluyt is (na mijn versinnen)
Maeckt u op totter Bruyloft bereydt,
Alle die den Coninck beminnen,
Die Poort is open, gaet daer binnen,
Verciert u, treckt aen dat Bruylofts Kleydt.
| |
| |
Hebdy haer stemme niet ghehoort,
En wilt nu niet wederhoorich wesen,
Maer wilt ontfanghen des Heeren Woort,
Ghy hebt ghenade verkreghen,
Neempt het waer, t'wert u gheseyt:
Dus maeckt u op den weghen,
Eer ghy met Babel wert verslegen,
Haest u, haest u, ras, sonder verbeyt.
Dat Teycken Tau wert nu ghegheven,
So Ezechiel int neghende staet:
Die knechten Godts werden nu beschreven,
| |
| |
Al die volbrenghen des Heeren raet:
O Zion besluyt u Verclaerden,
U ghetal is schier vervult,
Die haer leven niet en spaerden,
Unde ghecost sijn vander Aerden,
Dat Lam betaelt voor haer den schult.
O ghy Toorn Eder vercooren,
U ghulden Roose die compt met macht,
Wilt nu u Hooft opbooren,
Siet dat ghy sijn toecompst verwacht:
Waerom wildy ander Vreemden aenhanghen,
Of ghy desen Coninck niet kryghen solt,
| |
| |
Dat wee heeft u bevanghen,
Als een Vrouwe in baren menichfolt.
Den Draeck is ghecomen opter Aerden,
En is bevanghen met grooter nijt:
Die Vrouw die't Manneken baerden,
Is hem benomen, des verheft hy eenen strijt,
Om teghen haer Saet te vechten:
Maer sijt goets moets,en twijfelt niet,
Die Oude bedaechde compt te rechten,
Om t'oordel te houden van syne Knechten,
Hy sal-se verlossen van al haer verdriet.
| |
| |
Staet op O Zion wapent u Leden,
En maeckt u totten strijdt bereyt:
Want ghy moet eenen wech betreden,
Is maer eens Menschen voetstap breyt,
Haer inganck lecht int vernederen,
Daer ghy u Erfdeel sult ontfaen:
Versaecht u niet O ghy Teederen,
Voor den Aernt met sijn Vederen,
Hy sal u met synen Clauwen slaen.
O ghy Wachters tot Sion, siet int verren,
My dunckt ick sie dat Swaert bereyt,
Doet u Basuynen noch een scherren,
| |
| |
Ofter noch yemant tot Sion in rusten leyt,
Op dat-se moghen ontwaecken,
Unde vanden slaep opstaen,
Dat-se haer onschult niet en maecken,
Als die Heere sal comen ter wraecken,
Die de wederspannighen sal verslaen.
O ghy boosen aart ghy wilt niet hooren,
U eynde sal seer Jammerlijck sijn:
Die Wachters seggen't u te vooren,
Maer ghy maeckt u onschult alle wel fijn:
Den vreede stoot ghy buyten,
| |
| |
Die Poortier begint te sluyten,
Ghy sult daer blyven buyten,
Om dat ghy die Waerheydt niet ghelooft.
O moordadich Saet, wat gaet ghy maecken,
Gheslacht van Cain ghy brengt ter doot,
En vermoort den Onschuldighen sonder saecken,
Het wert u noch vergolden in uwen schoot:
Die Doot compt tot u te te paerden,
Wy hebben u eynde ghesien,
Dat Swaert compt over der Aerden,
Dat ghy gheslaghen ende ghedoot sult werden,
Die Helle en suldy niet ontvlien.
| |
| |
Den tijt is hier om te mayen,
Want die boosheydt heeft die overhandt,
Daer en is schier gheen plaets om te sayen,
Het Oncruyt vervult dat dat gantsche Lant:
Die Somer is by na voorleden,
Men hoort der Trompetten ghepijp:
Die Verachters verachten den vreden,
T'is tijt die Persse te treden,
Slaet aen u Zeyssen den Oogst is rijp.
Die Heer sal alle Vogelen een maeltijt bereyden,
Te Bosra in Edom, so Ick las,
Van't Vleysch der Coningen en Princen beyden,
| |
| |
Compt ghy Ghevoghelt' versaemt u ras:
Wilt u van des Landts-Heeren vleysch voeden,
So sy deden, wert hen ghedaen,
Maer ghy oprechte Christen sijt vroom van moede,
Wacht ghy u voeten te storten bloede,
Want dit loon sullen onse Roovers ontfaen.
Verblijt u met vreuchden unde Joechen,
Speelt op u Herpen een nieuwe Liet,
Wilt u in onsen Godt verhoechen,
Ghy alle die dese wraecke voorsiet:
Die Heer compt om te betalen,
Ende te wreecken ons aller bloet:
| |
| |
Sijn gramschap begint te dalen,
Wy verwachten die leste Schalen,
O Bruyt gaet u Heer en Coninck te gemoet,
Staet op Jerusalem wilt u bereyden,
Ontfanckt u kinderen all' ghelijck,
Wilt nu u Tenten wijt uytbreyden,
Aenschouwt u Croon, ontfangt u Rijck,
Uwen Coninck compt om te bevryden:
Sijn loon brengt hy voor hem pleyn,
Hy sal hem in u verblyden,
Wy sullen sijn glorie sien in dien tyden,
Verblijdt u O Sion met Jerusalem reyn.
|
|
Auteursrechtelijk beschermd