Een geestelijck liedt-boecxken
(1972)–David Joris–
Auteursrechtelijk beschermd
[Folio 44r]
| |
[Folio 44v]
| |
sijn ghemeyn:
Deur Adams sonden ghestorven,
Verganckelijck geworden is:
Al wat vander Aerden is verworven,
Moet tot Aerde
| |
[Folio 45r]
| |
wederkeeren ghewis.
Den hoop' is gantsch verloren,
Eewich vermaledijt,
Der Slanghen Saet ghy sijt:
Die niet wedrom en
| |
[Folio 45v]
| |
wert herbooren,
(Int Woort) deur den Soon gevrijt,
Godes stemme niet en hooren,
Die de Waerheyt seer benijt,
Moet wis in sonden
| |
[Folio 46r]
| |
versmooren,
Betert u die can, t'is meer dan tijd.
Dat Hemelsche beloofde saet,
Dat den Wyve toe worden gheseyt,
Sal t'Hooft der Slanghen quaet,
Vertreden in sijn vromicheyt:
Dat Wijf is Jerusalmen booven,
Die ware Mensche was sijn eysch:
Welck Christus noempt sijn Moeder, die ghelooven,
Unde versaeckt gantsch alle vleysch:
| |
[Folio 46v]
| |
Dat verstant moet hier voor wijcken.
Daer die Mensch in heeft ghemist,
Deur den Gheest des Antichrist:
Die Waerheydt heeft Godt laten blijcken,
Die langhe tijt was berooft,
Die over de loghen kompt strijcken,
Van den kleynen werdt sy ghelooft:
Des Werlts moet sal beswijcken,
Haer betrouwen werden gheklooft.
Der van boven is komen beneden,
Is het Woordt des Vaders raemt,
Vleysch wordende voor ons heeft gheleden,
| |
[Folio 47r]
| |
Den Soon des Menschen ghenaemt.
Sijn vleysch is vanden Hemel komen,
Dat Broodt dat ons t'leven gheeft,
Is die spijs die wy ons beromen,
Voor die Werlt hijt gheven heeft:
Maer die Waerheyt werdt voor looghen
Gheholden deur den boosen Gheest:
Die noch ghelooft werdt meest,
Daer die Werlt in werdt bedroogen,
Van die Hoer, die rijdt op't Beest,
Die hen schenckt al haer vermooghen,
Als een Coninginne lang' gheweest:
| |
[Folio 47v]
| |
Die wt haer Nap drinckt schoon voor d'ooghen,
Werdt betoovert mit incuyscheyt, leest.
Och werlt hoe sydy dus blindt,
Dat ghy Jesum niet en ghelooft,
Unde betrouwt der sonden Kindt,
Een Soone des Duyvels, t'Hooft
Van alle Teghen-Christen,
Die Eerste-gheboren verclaert,
Van die oyt die Waerheyt misten:
Die loghen heeft hem ghebaert,
Ey Slanghen saet vol nijts,
Ey Viandt der Waerheyt bloot,
| |
[Folio 48r]
| |
Die de vrede-Booden doot,
Die mit den Heylighen veel strijts
Hebt gheholden, den roos ghespaert,
Die victorie mit veel jolijts,
Den Camp ghewonnen onwaert:
Maer t'is om een weynich tijts,
Dat Asser sal bucken voort Swaert.
Die oprechte werdt nu deurvuyrt,
In den Oven der Ellenden smaeckt,
Als Goldt van der Aerden gepuyrt:
Deur t'vervolch wtvercoren ghemaeckt,
Siet dat ghy nu bidt unde waeckt:
| |
[Folio 48v]
| |
Ghy Wysen hebt hier op acht,
In liefden Immertoes blaeckt,
Neempt'in dat Rijck mit kracht:
Want niemandt anders en macht,
T'Rijck der Hemelen ontfaen:
Laet u dit ter herten gaen,
Helpen wt dat boose gheslacht,
Gheloofdy Christi Leer,
Soo haest u, want het wert Nacht,
Raeckt aen gheen dooden meer:
Het toekommende verwacht,
Reynicht u daer teghen seer.
| |
[Folio 49r]
| |
Ja suyvert u, werdt Heylich ghy Vrouwen,
Die de Waerheydt ontfanghen hebt:
Ghy Mannen voedt u betrouwen,
Die na Jesum verlanghen hebt:
Gheen onreyne (laet u puyren,
Van hoy unde stoppelen al)
En mach int Huys Godts gheduyren:
Dat opghericht werden sal,
Dat is den Berch des Heeren,
Zion, die Stadt bereydt,
Die nu vertreden leydt,
Daer Israel toe sal keeren,
| |
[Folio 49v]
| |
Unde begheren in te sijn:
Godt in haer prysen unde eeren,
Als Coninghen unde Priesteren fijn:
Die mit Christo sullen regneeren,
Unden drincken den Nieuwen Wijn.
Ghy Kinderen wt den Gheest ghebooren,
Leert meer waerheydts unde wijsheydts, want
Al hebdy ooghen unde ooren,
So is kleyn noch u verstant:
Dus laet u dit onderwysen,
Leert aen die Creaturen stom,
U Verstant wilt loven noch prysen,
| |
[Folio 50r]
| |
Maer wast op tot dat olderdom,
Soo suldy niet ontbreecken,
Van kraft ter booser tijdt,
Alst u ghelt inden strijdt:
Maer na der wijsheydt streecken,
Vol vreese des Heeren bout,
Soo suldy voorsichtelijck spreecken,
In der kennissen sijn mennichfout.
Verstaen des Sathans treecken,
Wijsheydt soecken verde boven Gout.
Wilt u selven nu wel aenmercken,
Of ghy u daghelijcks Broot eet:
| |
[Folio 50v]
| |
Ondersoeckt al uwe wercken,
Proeft u Gheloove unde weet,
Waer in ghy u hebt becommert,
Wat ghy meest hebt gesocht:
Uwen Gheest hebt ghy beslommert,
Uwen tijt quaelijck deur-ghebrocht.
Bereydt u nu tot den loon,
Vervultet Woort O Thoorn Eder,
Vliet Mesech unde Keder,
U gulden Roose komt seer schoon:
Dijn voorleden Heerschappye,
Dat Koninckrijck, Jerusalems Troon,
| |
[Folio 51r]
| |
Onse Moeder die Vrye,
Lieve strijdt om sulcken Croon:
Want sulcken vreuchde was vye.
O Zion vaet aen den Beecker,
Drinckt-se wt dra sydy wijs:
U Gheloof staet op't onseecker,
Alle vleysch tot des Heeren prijs:
Ghy moet schynen te verwaten,
Alle Volckeren sijn een spot,
Van't vleysch eerst heel verlaten,
Gheacht in u betrouwen sot:
Als Sara, u Gheloove moet
| |
[Folio 51v]
| |
Schynen onmoghelijck, siet:
Alle vleysch blijft dit onbediet,
Hieromme sterft int bloet:
Betrouwt in u Jonckheyt niet,
Want u dat beletten doet,
Dat u baringhe niet en gheschiet:
Maer in d'oldtheydt suldy bevroet,
Verlost werden van't verdriet.
Verblijdt u ghy Onvruchtbare,
O Zyon maeckt vrolijck ghewach:
U Soonen sult ghy int clare,
Zevens baren op een Dach,
| |
[Folio 52r]
| |
Sonder wee ter selver tyden,
Gheluckelijck mit veel ghewins,
Sal die Heer u ghebendyden,
U Huys gheven vol ghesins:
Wilt nu uwe Tenten witten,
Streckt dijn Laeckenen lange uyt:
O wtvercoren Bruyt,
Ghy sult in grooter hitten,
Wtbreecken aen weersyden saen,
U Saet sal den Heydenen besitten,
Haer erffenisse ontfaen:
Dit machmen wt gheen vleysch vitten,
| |
[Folio 52v]
| |
Dan alleen deur Godes Geest verstaen.
Der Heer heeft langhe ghesweghen,
Smaet unde lyden ghedult:
Tot sy t'olderdom hebben verkreghen,
Unde sijn Leden sijn vervult,
Een Volck wil hy verwerven,
Vol Gheloofs unde subieckt,
Neempt waer dan dat verderven,
Hoe-wel het nu vertreckt:
Sijn Arm sal hy wtghestreckt,
Laten gaen over al het Lant,
Wt-treen als een Gigant,
| |
[Folio 53r]
| |
Die groote Stadt besoocken:
Die nu stoltlijck teghens hem spreeckt,
Tot hy Zyon heeft ghewroocken,
Die nu soo leelijck wert bevleckt:
Dat kan die Toovenaers hoop koocken,
Die oyt t'Licht hebben bedeckt.
Der Heere heeft sijn hant verheven,
Die Basuyn laten blasen snel:
Sijn knechten alle beschreven,
Mit dat teycken van Israel:
Haer Lampen doen bereyden,
Mit Ciragie na synen eys
| |
[Folio 53v]
| |
Die de Schapen wt die Bocken wil scheyden,
Vonnisse holden mit alle Vleys,
Noyt grouwelijcker ghepeys,
Deur die Werlt klincken sal,
T'hert daer van ontsincken sal,
Unde voor s'Heeren Woort schuylen,
Och oft uwer veele wist,
Seer jammerlijcken huylen,
Als ghy wt moet suypen den gist:
Want breecken sullen uwe Suylen,
Unde vertreden werden als mist.
Wy Ghetuyghen alle ghelijcke,
| |
[Folio 54r]
| |
Sullen staen int Oordeel swaer,
Teghens Armen unde Rijcke,
Die Godts Woordt betuycht is claer:
Ja oock van stede tot stede,
Is die Waerheyt wel bekendt:
Maer stooten van hen den vrede,
Die van boven werdt ghesendt:
Hoe wil dit nemen endt,
Wilt u verwonderen al,
Als Godt af-donderen sal:
Want Esau ghy Engienen,
Dat eyndt deser Werlts Knecht,
| |
[Folio 54v]
| |
Moet Jacob die minste noch dienen,
Als Godt dat Oordeel wt-recht:
Al hebdy herten als stienen,
So suldy doch werden gheslecht.
Ghy Hemelen sijt dit indachtich,
Ghy Aerde hoort alle ghelijck:
Is Christus een Koninck waerachtich,
So moet hy oock hebben een Rijck,
Die den Hemel heeft inghenomen,
Aen Godts rechter handt sit ter tijt,
Dat hy wederom sal komen,
Vertreden sijn Vianden nijt:
| |
[Folio 55r]
| |
Die hem als een Voetbanck wijt,
Sal gheleydt sijn seer bevreest,
Deur eenen hooghen Gheest:
Die op Aerden wt sal schaffen,
Seer wondelijck ick mien:
Die Werlt sal hy komen straffen,
Om die ongheloovighe Lien.
Sy ghelooven gheen Heylighen int baffen,
Voor sy Miraeckelen en sien.
Der Koninck boven alle Heeren,
Wilt den sin wtslorpen ris,
Moet noch (verstaet) regneeren,
| |
[Folio 55v]
| |
Want het hem al onderworpen is.
Hier tusschen werdt sijn Volck bereydt,
Dat Rijck int Gheloove ghehecht,
Het Huys Jacobs verbreydt,
Dat int laetste werdt opgherecht,
Als die Propheten verbreyden,
Esaias, Micheas vermelt,
Daniel, Esdre vertelt,
Hoe Jacob van Esau sal scheyden
Die twee Werlden: dus siet,
Des Menschen hant tusschen beyden,
Meer en seg Ick u niet,
| |
[Folio 56r]
| |
Laet u gheen vleysch verleyden,
Verstaet wel mijn bediet.
Dit roepen die Boden te vooren,
Die Wachters slaen gheluyt:
Unde laten haer stemme hooren,
Eer dat het Oordeel gaet uyt:
Die Engelen bitterlijck weenen,
Dattet Aertrijck so klachlijck staet:
Die Knechten Godts suchten und' steenen,
Over t'grouwel unde t'groote moordaet.
Men siet wel hoe dattet gaet,
Gheen recht gheschiet int Landt,
| |
[Folio 56v]
| |
Die Boosheydt heeft d'overhandt:
Want wie hem van den quaden keert,
Den Heere vreest alleen,
Der wert van die Werlt verheert,
Bloot gheschoren tot den Been,
Ja der niemandt heeft ghedeert,
Der werdt mit voeten vertreen.
Die Prince wilt vreesen sijn Wet,
Die u ooren te hooren gheeft,
Unde ooghen in u voorhooft set,
Op dat elck voorsichticheydt heeft,
Der't al voedt en leert in alle staten,
| |
[Folio 57r]
| |
Meent ghy, der het al verlicht,
Dat hy u onghestraft sal laten?
Hoewel hy deur die vingeren nu sicht:
D'Oprechte moet bloeyen int bedieden,
In sijn tijt vrede ontfaen,
Die langher duyrt dan die Maen,
Heerschappen onder alle Lieden,
Die op haer nu sijn ghestoort,
Sullen haer noch eere bieden,
Groot lof van segghen voort:
Want Godts wil moet op Aerden gheschieden
Die Ooren heeft te hooren die hoort.
In Novemb. Anno. 1536. FINIS.
|
|