Een geestelijck liedt-boecxken

[fol. 41r]

[O Christen Gheesten wilt hier op achten]

O Christen Gheesten wilt hier op achten,
Die hier ter

[fol. 41v]

 

werlt in druck levende sijt:

 

Wilt Christi toekomst lijdtsaem verwachten,

 

Int gheloof nimmer doch snevende sijt:

 

Tot waecken unde bidden u beghevende sijt,

 

Ja sterft u vleysch als Paulus seydt,

 

Unde sijt ter doot

[fol. 42r]

 

altijt bereyt.

 

 

 

O Christen en laet u niet berooven,

 

Den Evangelischen Gheest ootmoet:

 

Wilt alle Gheesten niet ghelooven,

 

Proeft eerst of sy wt Godt sijn goet:

 

Staet vast op den grondt, der Apostelen voet,

 

U Hert van deser Werlt scheydt,

 

Unde sijt der doot altijt bereydt.

 

 

[fol. 42v]

 

Sijt ghy mit Christo recht ghestorven,

 

Soo soeckt alleene dat boven is:

 

Niet dat aertsche, t'werdt al bedorven,

 

Een eewich goet dat sijn beloven is,

 

Die hier ter Werlt verschoven is:

 

Dus sijt verstandich, werdt niet verleydt,

 

Unde sijt ter doot altijt bereydt:

 

 

 

U hert set niet op langh' te leven,

 

Die boosheydt u hert niet sneven laet:

 

Wilt u vry tot druck und' lyden gheven,

 

Daer deurmen tot Godts Rijck verheven gaet:

 

Weest patientich, vliet dit leven quaet,

[fol. 43r]

 

Wandelt int Licht sonder verbeydt,

 

Unde sijt ter doot altijt bereydt.

 

 

 

Het sijn nu recht periculoose tyden,

 

Daer d'Wtvercoren Godts in sorghen staen:

 

Maer Godt sal voor haer wettelijck stryden,

 

Haer Daghen vercorten na sijn vermaen:

 

Wilt die disciplijn vrolijck ontfaen,

 

Want Godt die straft der hem ghereydt,

 

Unde sijt ter doot altijt bereydt.

 

 

 

Alle Godtsalighen moeten drincken,

 

Wt den Kelck der bitterheyt den klaren Wijn root:

 

Maer den gist sal Godt den Godtloosen schincken,

[fol. 43v]

 

Dat sy spyen, braecken unde vallen totten eewigen doot:

 

Dattet verstandt O Christen minjoot,

 

Den grondt holdt vast, Godts eer verbreydt,

 

Unde sijt ter doot altijt bereydt.

 

 

 

Siet aen u Prins, u Coninck ghepresen,

 

Die sonder sonde was onbevleckt:

 

Als een Verleyder is hy verwesen,

 

Mitten boosen ghestraft, aent Cruys ghereckt.

 

O traghe Mensch wert nu ontweckt,

 

Volcht Christum na in gherechticheydt,

 

Unde sijt ter doot altijt bereydt,

 

 

 

In Junio. Anno. 1535. FINIS.