Bonte blomme

[p. 147]

13. Wilhelmina, Juliana, heil!

Mastreechter walle, bonk historie,
Verheft uuch in eur volle glorie
Ter ier' Wilhelma van Nassouw,
Spreijt eure mantel breid in statie
En ploejt em zwierig en mèt gratie
Besjermend um eur Keuningsvrouw.

Mastreechter klokke, trouw aw toene,
Vlöcht eur geluid tot blomfestoene
En slingert z'um Häör stappe heer;
Jong, monter karreljonge-stumkes,
Struijt es 'nen dons van zèlver-blumkes
Op 't Keuningskeend eur tuunsjes neer.

Mastreechter vollek, vol ambitie
Gehech aon d'iewen-aw traditie,
Geef t'n geveulens weer vrij baon,
Dies-tiech betuindes aon Oranje,
Sints nao de reuzestrijd mèt Spanje,
Heij heet gewejd te dreikleur-vaon.

Kom daan, vorstin, nao Treech, et trouwe,
Huur davere door eus landouwe
De jubel-krete, blij en trots:

Heil, Diech, Gekroende, hoeg verheve,
Heil, Diech van Bove us gegeve,
Wilhelma bij de gratie Gods!

Heil ouch aon Diech, sjarmant Prinseske,
Eus leef, toukomstig Meistereske,
Welkom bij d'ierste stap in Treech!

[p. 148]

 

Weet, dat et volk heij in dees lande

 

Aon Diech al lang z'n hart verpandde

 

Van aof D'n ierste levensleech.

 

 

 

Illuuster Vrouwe, zeet et straole

 

Van al die ouge, die väöl maole

 

Uuch miejer zèGGe es al 't geroop;

 

Ze zien 't bewies, dat, wen ouch zwarter

 

Et leve woort, toch in de harter

 

Nog leefde woent, gelouf en hoop.

 

 

 

En zeet taan stijge-n-ouch tie wollek

 

Gebeije van eur Treechter vollek

 

Tot bij d'n troen van Slivvenier:

 

Et smeek, dat Heer de wèl maag veuje,

 

Eur Hoes te sterke, te beheuje,

 

Et Land tot zege, Häöm tot ier.

October 1926.