Bonte blomme

[p. 131]

3. Moeder zien.

(Aon 'n Moeder).

Moeder zien - dat is verheve,
't Is et sjoenste, wat besteit,
Eeder vrouw hoop 't te beleve,
Häören trots is 't, boe 't um geit.

Moeder zien - et liek niks lestig,
Es me 't dink in theorie,
Mer praktiek kin dèks finestig
Spotte mèt zoe'n poëzie.

Moeder zien - et gief te drage
Hiel väöl zörg en ouch verdreet;
Wat 'ne las en onbehage
Bringe dèks toch kinder neet.

Moeder zien - mer, wat 'n weelde,
Es te blijje kinderlach
's Mörges vreug al zonn'ge beelde
In häör hart heet veurtgebrach.

Moeder zien - et is nuij leve,
't Is nuij jäög van väör aof aon,
Aon de vrouw es loen gegeve
En es troes veur menn'gen traon.

Moeder zien - wie hierlek klinke
Häör de kinderstumkes neet;
Sjoender kaan ze ziech niks dinke,
Zeuter zinG veur häör gei leed.

Moeder zien - 't zij diech gegeve,
Dat tit vieftal stumme heij
Lang, hiel lang nog in die leve
Klinke blijf zoe sjoen en blij.

December 1922.