Bonte blomme

[p. 130]

2. Missieweek - veurspeu·l.

Zèt ope d'n poorte, maak effe d'n weeg,
Laot zinge d'n klokke hun welkom, Mastreech,
Umhang diech te feeskleid, doeg 't werrek opzij:
De veurvechters-tróppe van Kristes zien heij.
Ontvang hun gasvrij op ten hèllige grond,
Boe ins Sintervaos zene vootstap in stont,
Boe ins Sintervaos mèt z'n krachtige hand
De vaon van de Leefde, van 't Leech heet geplant.

Bedink, waste waors veur deen tied, waste bis,
Sints Heer diech gemaak heet van Heide tot Kris;
Daan zölste beseffe 't gewiech van de stried,
Dee God z'n gardiste dao veure, hiel wied,
Daan zölste wardeere hun lije, et blood,
Door hun dao geofferd veur 't minsdom ze good.

Mastreech, d'n traditie, d'n aofkoms en rang,
Ze kwaome tot noe tou nog noets in't gedrang.
Haw hoeg dus ouch noe dene vlek'loeze naom,
Gezat door Servaos in massief-gouwe raom.
Steun Holland z'n Missie op Treechter maneer,
Dat is: steun van harte en geef mèt plezeer.

Juli 1921.