Bonte blomme

[p. 119]

6. Tien jaor.

Tien jaore zien verstreke,
Sints tat op 't Haags Paleis
Opins kwaom neergestreke
Hier Laankbein, blij van geis.

Heer vont e zach matreske
In weegske, blaank en teer,
En lag e klei Prinseske
Verzichtig tao-in neer.

Dat waor de nuijen daag'raod
Van d'aw Oranje-zon,
Die door häör zachte weldaod
Nog mie eus harter won.

Tien jaor zien sints verslete,
Tien jaor heet Holland trouw
Gejubeld en gekrete
Mèt Keend en Keuningsvrouw.

Tien jaore zien verdwene,
De klein Prinses woort groet;
Mer noets is Z'us gesjene
Zoe leef es noe, in noed.

Veural veer, Treechteneere,
Veer veule dat zoe good,
Noe m'us wèlt anneGzeere,
Wèlt sjeije blood van blood,

[p. 120]

 

Noe lieg en voel gekónkel

 

En valse politiek

 

Us strikke spant in 't dónkel,

 

De woerheid sleurt door 't sliek.

 

 

 

D'rum wèlle veer herhoole:

 

Eus aw Oranje-trouw,

 

Noets weurd ze us ontstole,

 

Wat us 't ouch koste zou!

30 Apr. 1919.