Bonte blomme

[p. 112]

3. Vreij.

Vreij? - Veer winse vreij?
Veer dörreve-n-et vlooke,
Dat volke ziech bestoke,
Massakk're len en steij?

Vreij? - Is tat oprech?
Goon veer, die daonao vraoge,
Neet door, mèt us te plaoge?
Is tat neet eve slech?

Vreij? - Is tat gein zun,
Dat veer, die zoe d'rum smeeke,
Geregeld aof nog breke
Eus eige lui, eus vrun?

Vreij? - Waos 't neet eur plich,
Koej tonge, te beginne,
Mèt iers ins te bezinne,
Wat koeds geer höbt gestich?

Vreij? - Dat vraogt ouch geer,
Geer laffe egoïste,
Die volpropt kas en kiste,
En leeft veur et plezeer?

Vreij? - Zeet geer em weerd?
Geer, anti-nationale,
Geer, pes van de neutrale,
Die alles kritikeert?

Vreij? - Höbt geer dan spiet?
Verliechte Godnegeerders,
Verwaande volksbezweerders,
Die rondzejt haat en nied?

[p. 113]

 

Vreij? - Gaot iers tot God,

 

Geavvenseerde geister,

 

En liert van eure Meister

 

Et prinsipaol gebod.

 

 

 

Vreij? - Slet iers ins vreij

 

Mèt Häöm, mèt eure naoste;

 

Iers taan maagt geer uuch haoste

 

Nao 't doel, zoe sjoen, zoe blij!

Sept. 1917.