Bonte blomme

[p. 86]

3. Naojaor.

Nog sjijnt te zon - meh wie!
Et is helaas neet mie
Dee werrem-donk'le glood
Van oet te zomerdaog,
't Is of häör kleur versjoot
Tot fletse koperlaog.

Nog straolt blouw loch - meh wie!
Dat is et blouw neet mie
Van oet te keersentied,
Zoe deep, zoe zach, zoe fris,
't Is zjus, of et mèt kriet
Tot gries verdoezeld is.

Nog pronk 'n roes - meh wie!
Dat is te roes neet mie
In häören ierste bleuj,
Kokèt, intens van geur;
De fut is oet te greuj,
En krenkelik häör kleur.

Nog leef natuur - meh wie!
Dat leve is neet mie
Van jong, ontembaar krach,
Vol saap en vröchbaarheid;
't Is tröGgoon nao de nach,
Boe 't strak in ondergeit.......

Sept. 1916.