Friesche rymlerye

[p. 98]

Psalm CXXXVII.

1.

'k BIn az 't folck Goads, dat, oone' Euphraet-ig finzen

Yn Bâbel siet, in gâlde', ijn swier betinsen,

Om Zions berg', dy woest laey, wijld in bleat.

Herre' Herp'-spil hinge' oon Wijlge-beamt', lanz' sleat,

Dy trog gjelp-trien-eag-wiet wugs, az heer' terge
't Twing-Folck, in scheetsch blier Zion-fang oef-ferge.

2.

Ho! (kâtt'ne weer Goads Tjieners) schoen' wy sjonge
Klear Hijmmel-luwd, ijn freamd lânz fuwl bedonge?

O 't iz on-muwlck! Mar az ick dy forjit

Jerusalem mijn heagste wille' in wit,

So môt him salm, mijn rjuechter hân, forjitte.
Mijn tong' môt fest, oon' muwlle bopperst' sitte.

3.

O tinse', uwz God, oon Edoms berns hôlsck' droazheyd!
Yn Salems Dey balcke' herre' oerjuwne boosheyd,

Breck', baern', schoer', scheyn', litt' stoack op stien naet stean.

Datme' ijnne gruwn' mey bleat in neaken sjean.

O Bâbels bern! dy me' eack woost wirdden sjean sil,
(So me' immen det, al folle', yen ney beschean schil)

4.

O Bâbels bern! lock-sillig môt hy wezze,
Dy dy trog' wraeck' ijn 't pleagjen schil op-lezze

Dijn mis-diede' eern', oon uwz, so wreed, begien.

Wol-sillig, dy dijn suwg'-bern oon' Rotz-stien',

Oon' Klippe klopp't, omme' holle' in ljea to brecken,
Om so uwz uwnck, smaed, pleage' in leed to wrecken.

Yn-goe God! ho liz ick buwne,

Yn dizz' wradsche Babel-kuwl,

Schern-bobb', jerre-sae fol suwne,

Flésck-bejear, gaest'-stanck, siel'-fuwl:

[p. 99]

 

Dy myn Hymmel Harp'-snaer' stomje,

 

Datse naet trogg' wolcke giet;

 

Dy myn tomm' in finger klomje,

 

To de taest fen heyligh Liedt.

 

Groed in bloed mot my forwijlje,

 

'k Swijm, dead-doaf, trogge' helsche klang',

 

Az wrads huwnnen my oon bijlje:

 

Sjong reys op dijn Zion-sangg'.

 

Schoe ick sjonge! ick stear fen rouwe.

 

Schoe ick sionge'! ick galj' my blyn.

 

God! tjog m' uwte' yerdsch' freamd lanzdouwe,

 

Trog dyn Gaest, rjuechte' Hymmel-lyn.

 

Tjog m'yn 't heag Jerus'lem binne.

 

(O myn yvig thuwz-besit!

 

Eer ick dy forjit, myn sinnen,

 

Hert in han him salm forjit)

 

Och! wenneer myn siel op-litsen

 

Yn dy sted fen God salm' boud,

 

Waems salm schient' nae wirt uwt-spritsen.

 

Strietten klear trog-schijnigh goud,

 

Pearle porten tôlf, in moerren

 

Fen wirddearleast' puwck-e'el stien

 

Dear ynn' wille stuwn' nogge' uwre

 

Wirt bepeald, nogge' eyn begien.

 

God! wenneer, mey sill'ger tonge,

 

Goads Lam folge yn 't wijt wer 't giet:

 

Mey dyn heyl'ge in Ing'len sjonge

 

't Heylig, heylig, heylig Liedt?

 

God! om oon 't begin to reytsen,

 

Deade', yn my, suwne'-Edoms bern,

 

In 't boos' Babel-wradsch formeytsen;

 

Dat my trieut yn flesck-lust-schern.

[p. 100]

 

Jouw' my kreft om Babels teame,

 

Dat forflockt' suwne'-Edoms bred,

 

To forbrecken tacke' in beame,

 

Om to libbjen ney jon Wet.

 

O oer-lockig! O wol-sillig!

 

Dy fordoarn-aerds bernkes daet,

 

Schoer't fenn' suwne-tate willig,

 

In de ljea to sticken staet.

 

Jouw' my hymmel, bid ick jiette

 

To dizz' dwaen rjuecht' siel-njue dogg',

 

Dat ick ney dit wijt mey sjiette,

 

Dat ick 't yvig wijt oon tjog.

 

 

 

Dear ney rjuechte hy him, in wand're,

 

Mey sijn djier om wiet in fjoer,

 

Dy hy weyde', in weyd'-forand're,

 

Trog sijn herderlijck bestjoer.

 

 

 

GOadsfrjuen' hie sijn djier forweyde

 

Oon yen onoefearte heyde,

 

Dear oppe' on-forbijt'ne gruwn,

 

't Goed de folle houwe fuwn.

 

Ringen siet hy dol om restjen,

 

Fen sijn gongz soer wrigge' oerlestjen,

 

Dear hy 't Psalm-boeck yp'ne, in song,

 

Dat it jin-luwd 't luwd ney gongh.

 

Doz nuwntje' er dizz' trye' opp' rijgge,

 

Dy hy foorst', neye' op-slag krijgge.

 

O dy so sijn restjens tijd

 

Oer bringt, wirt fenne' hol benijd'.