Diccionario Papiamentu Holandes

[p. 5]

Splicación.

Pasobra asina leu cu e suscrito sa, ta solamente algun lista di palabranan masha simpel a mira lus i nunca un diccionario Papiamentu-Holandes, p'esei e trabao aki a tuma hopi tempu, ma na e mes tempu e a duna autor masha satisfacción. E unico diccionario cu a sirbi e di algu, ta esun ‘Nederlandsch-Papiamentsch-Spaansch woordenboekje’ di un H. desconoci, cu tabata imprimí na Arnhem na anja 1875.

Como suscrito tabatin un idea contrario, i e trabao a bira bieu, ta masha natural cu e mester a busca su mes manera. Si pa e motibu ei e por a cometé falta den ortografía i tradución anto e bon criticador lo pordoné. Ademas no ta existi union den ortografía di Papiamentu aínda.

E suscrito a traha tumando na consideración di e sigiente reglanan principal:

1.	E zonido ‘oe’ Holandes ta worde skirbí como ‘u’, cu excepción di e palabranan cu ta di oríhen Holandes puru, manera: ‘stoel, doel, etc.’ i di palabranan den cual por hanja masha simpel e palabra original Holandes, manera: boet (boete), spoela (spoelen), boeki (boek) etc.;
2.	E zonido ‘k’ di Holandes ta worde skirbí cu ‘c’ dilanti e vocalnan a, o, u, cu excepción di e palabranan den cual por hanja masha simpel e palabra original

[p. 6]

	Holandes cu ‘k’; manera den: kashi (kast), kalki (kalk), kauw (kauwen) etc.;
3.	E palabranan manera: ‘bicinja, canja, etc.,’ ta worde skirbí manera nan ta worde papiá; e ‘ñ’ Spanjó ta di mas; asina tamben e ‘ll’, cu ta worde substituí pa ‘j’.

Pa pronunciación di e palabranan mester pone tino den prome luga riba e tres reglanan principal ariba mencioná i además.

a.	Ee ‘c’ dilanti di e vocalnan ‘i’ i ‘e’ ta worde pronunciá manera e ‘s’ Holandes, i e terminaciónnan di palabranan ‘ción’ i ‘cien’ ta worde pronunciá como ‘shion’ i ‘shien’;
b.	Ee “ch” ta worde papiá manera ei tabata skirbí na Hollandes ‘tj’, por ehempel di ‘mucha’ pronunciación ta ‘moetja’;
c.	Ee vocalnan a, e, o, semper ta keda suave; nan ta worde pronunciá manera den e palabranan Holandes: ‘praten, spreken, wonen’;

[p. 7]

d.	Ee vocal ‘i’ ta worde pronunciá como ei tabata pará ‘ie’ di ‘Mies’.

Pa facilitá, ademas acentuación ta poné ariba o despues di sílabanan, riba cual acento ta cai.

Pronto autor ta spera di presenta un diccionario manual Holandes-Papiamentu.

Corsou, October 1945.

G.P. Jansen.