|
| |
Een nieu Geestelijck Liedeken, op de wijse: Jeucht en deucht mijn hert verheucht.
HOort toe ghy Adams kinderen fier,
Weest Godts dienaeren en knapen,
Wilt neerstelijck aenmercken hier,
Waer toe ghy zijt gheschapen,
In dese bedroefde werelt snoot,
Sijt ghy ghecomen naeckt en bloot,
O mensch bedenckt toch dit altijt,
Waer toe dat ghy gheschapen zijt.
Godt schiep den mensch onsterffelijck,
Int Paradijs der vreuchden,
Seer doorluchtich met wijsheyt rijck,
Verciert met alle deuchden,
Doen was den mensch geheel perfeckt,
Een spiegel Godts reyn onbeuleckt,
O mensch bedenckt doch dit altijt,
Hoe weerdich ghy gheschapen zijt.
V weerdicheyt te rechte smaeckt,
Godt heeft v na zijn beelt ghemaeckt,
Daer toe een redelijck verstant,
Heeft Godt den Heer in v geplant,
| |
| |
O mensch bedenckt toch dit altijt,
Hoe weerdich ghy gheschapen zyt.
Siet waert toe dat ghy zijt ghebout.
Van den Schepper hier bouen,
Om dat ghy hem beminnen sout,
Om namaels met hem eeuwelijck,
Te rusten in zijn Hemelrijck,
O mensch bedenckt toch dit altijt,
Hoe weerdich ghy gheschapen zijt.
V edel siel is eenen troon,
Een stadt Godts vol wellusten,
Daer den hemelschen Coninck schoon,
Hier in begeirt te rusten,
V lichaem is eenen Tempel reyn,
Van den heylighen Gheest certeyn,
O mensch bedenckt toch dit altijt,
Hoe weerdich ghy gheschapen zijt.
Wat minder dan die Engelen soet,
Zijt ghy nae Dauids leere,
Gheschapen vanden Heere goet,
Ghecroont met glorie en eere,
Van alle dinck int aertsche velt,
Heeft Godt den mensch een heer gestelt
O mensch bedenckt toch dit altijt,
Hoe weerdich ghy gheschapen zijt.
O mensch v weerdicheyt bekent,
Wilt in sonden niet slapen,
Den Hemel met het firmament,
Heeft Godt voor v geschapen,
Die sonne en die mane claer,
Sijn lichters van den mensch eerbaer,
O mensch bedenckt toch dit altijt,
Hoe weerdich ghy gheschapen zijt.
Hoe veel vruchten voetsel ghetrou,
Heeft Godt den mensch gegeuen,
Om dat hy die gebruycken sou,
Met danckbaerheyt verheuen,
Wat Godt geschapen heeft certeyn,
Is tot profijt der menschen reyn,
| |
| |
O mensch bedenckt toch dit altijt,
Hoe weerdich ghy gheschapen zijt.
O mensch den Prince glori geeft,
Tot uwen dienst geschapen heeft,
Looft hem tot allen uren,
V Heer v Godt v schepper danckt,
Daer ghy soo veel goets af ontfanckt,
O mensch bedenckt toch dit altijt,
Hoe weerdich ghy gheschapen zijt.
|
|
Auteursrechtvrij