Een nieu vrolijck Liedeken, Tot lof en prijs van alle deuchdelijcke, Godtvruchtighe, eerbare Vrouwen, op de wijse: Den tijt is hier, datmen sal vrolijck wesen.
SAlomon die prijst, een goede Vrou eersame,
Want wt haer soo rijst, alle solaes en vreucht,
Daer sy mede spijst den man seer wel bequame,
Als sy hen bewijst reyn liefde met haer deucht,
Door haer soete sprake, maeckt sy den man verheucht,
Haer vrolijcke manieren goet,
Zijn bouen violieren soet,
Den man sy vreucht hantieren doet,
Ghehoorsaem en goet, is een gheschickte vrouwe,
Sy eert haren man soet, als Sara Abraham,
Eerbaer wijs en vroet, als Rebecca getrouwe,
Die Isaek metter spoet voor zijn huysvrouwe nam,
Schamel en onnosel als Rachel van rijcken stam,
Daer Jacob veertien iaren lanck,
Om diende sonder beswaren cranck,
Hy voerdense wech met haren danck,
Int boeck Esdras daer, wort hoochlijck gepresen,
Een vrouwe eerbaer, dat sy te bouen gaet,
In sterckheyt voorwaer, den Coninck wtgelesen,
Oock den wijn seer claer, soo daer geschreuen staet,
Want het is gebleken aen Judith metter daet,
Die vromelijck afgeslaghen heeft,
Helofernis hooft vol plagen sneeft,
| |
Dat sy me gedragen heeft,
Siet Abigael, heeft oock pardoen vercregen,
Voor haren man fel, daer Dauid op was verstoort,
Want sy is hem snel, met spijse gecomen tegen,
Door haer spreken wel, maeckten sy goet accoort,
Haer soete wijse woorden, heeft Dauid aengehoort,
Daerom heeft hy ghebenedijt, Abigael dit seker zijt,
Haer huysghesin heeft zy bevrijt,
Van sulcken grooten moort.
Asswerus seer quaet, meynden de Jootsche natie,
Geheel Abrahams zaet, op eenen dach te verslaen,
Door den boosen raet, van Amans informatie,
Waren desperaet allen die Joden saen,
Hester die Coninginne quam by Asswerus staen,
Haer beden hem moveerden wel,
Sijn gramschap die cesseerden snel,
Daerom hy ordineerden wel,
Hierom wel aensiet, wat een goey Vrou can maken,
Droefheyt oft verdriet, wort van haer niet vermeert,
Anders en soeckt zy niet, dan vrede in alle saken,
Als daer twist geschiet, sy dien ten besten keert,
Alle haer huysgesinne sy goede seden leert,
Sy is een Spiegel schoon verciert,
Door haer deuchden die sy hantiert,
Door sulcken Vrouw wel ghemaniert,
Een costelijck pant is daer een Vrou vol deuchden,
Bouen een Diamant, Carbonckel oft Jasint,
Metter liefden bant, hout sy haer man in vreuchden
Door haer goet verstant, zy zijn gramschap verwint,
Is hy qualijck te vreden sy maeckt hem wel ghesint,
Door haer vriendelijck wesen bly,
Haer goetheyt wtgelesen vry,
Wort zy te recht gepresen bly,
Prince Idoon, hebt ghy een Vrou verheuen,
Van deuchden schoon, wilt haer beminnen dan,
Paulus in persoon, heeft haer oock prijs gegeuen,
| |
Auteursrechtvrij