|
| |
| |
| |
Noch een ander nieuw tafel-liedeken, vanden edelen coelen wijn, Op de wijse: Hoort toe ghy Venus dieren, wilt my helpen treuren.
TOt vreuchden wilt ontspringhen,
Weest bly ghy droeue naci,
En wilt nu vrolijck singhen,
Want nu den tijt en spaci,
Door den edelen coelen wijn.
Den wijn is goet en crachtich,
Men moet hem dier betalen,
Cooplieden rijck en machtich,
Doen hem van verre halen,
Men drinckt hem sonder falen,
Wt coppen oft wt schalen,
O den edelen coelen wijn.
Hierom soo wilt bemercken,
Wat dat den wijn can maken,
Die hem te recht ghenaken,
Wel haer die mogen smaken,
O den edelen coelen wijn.
Di seer out sijn van daghen,
Die maeckt hy ionck van iaren,
Die altoos kermen en claghen,
Doet hy vreucht openbaren,
Die vreckich zijn in sparen,
Die maeckt hy milt en fijn,
Dit comt al door den claren,
Edelen rinschen coelen wijn,
Die stommen die hen drincken,
Die doet hy praten en singhen,
Die creupel en manck gaen hincken,
Hy doet haer dansen en springen,
| |
| |
Die arme in alle dinghen,
Sijn rijck op dat termijn,
Van cleeren gelt en ringen,
Door den edelen coelen wijn.
Die maeckt hy wijs als Heeren,
Die plomp zijn van verstande,
Die can hy lichtelijck leeren,
Haer sprake doet hy verkeeren,
In Fransoys Spaens oft Latijn,
Dus hout hem wel in eeren,
O den edelen coelen wijn.
Die wijse maeckt hy dwasen,
Soo groot is hy van crachten,
Die altoos volle gelasen,
En groote schalen wachten,
Sy vallen in slooten en grachten,
In modder soo dick als bryn,
Dan hoortmen groote clachten,
Vanden edelen coelen wijn.
Nochtans wort hy ghepresen,
Wanneer sy liggen in crame,
Dan is haer seer bequame,
O den edelen coelen wijn.
Aensiet den coelen wijn blincken,
Drinckt vry een volle schale,
Hy sal wel nederwaert sincken,
V keelken dat sal clincken,
Om te singhen een Liedeken fijn,
Met vreuchden moetmen drincken,
O den edelen coelen Wijn.
Laet ons den Prince louen,
die Noe eerst openbaerden,
Hoe dat hy die wijngaerden,
| |
| |
Sou planten inder aerden,
Dus hout hem wel in waerden,
O den edelen coelen wijn.
|
|
Auteursrechtvrij