Een nieu devoot geestelijck lietboeck

Een gheestelijck Liedeken, op de wijse Aue Maria Godts liefde idoone.

MEt die wijse Maeghden,
Laet ons neerstich waken,
Om te gheraken,
Daer sy in vreuchden zijn.
Christum sy behaechden,
In deuchdelijcke saecken,
Groote vreucht sy maecken,
Met blijschap sonder pijn,
Certeyn der vreuchden wijn,
Vloeyt uyt Godts claer aenschijn,
Waer in dat sy smaecken,
Alle ghenoechte fijn.
Haer wort daer gheschoncken
Soeten most te drincken,
Suyuetlijck sy blijncken,
Schoon als die Sonne claer,
Godts liefde maeckt haer droncken,
Daer sy gheheel in sincken,
Haer stemmen die clincken,
Met lofsanghen eerbaer.,
Diemen hoort singhen daer,
In den Hemel voorwaer,
Wilt dit wel ouerdencken,
In v herte allegaer.
Elck is daer te vreden,

[p. 115]

 

Met sijnen loon verheuen,

 

Die hen is ghegheuen,

 

Van Godt den Heere goedt,

 

Sy weten met sekerheden,

 

Dat sy eeuwich sullen leuen,

 

Want sy zijn gheschreven,

 

Int boeck des leuens soet,

 

Sy vallen met oodtmoet,

 

Voor hem die door sijn bloedt,

 

Haer sonden heeft uytghewreuen,

 

Verlost van teghenspoet.

 

Dit is haer melodije,

 

Dat sy sonder ophouwen,

 

Moghen aenschouwen,

 

Godts suyuerlijck aenschijn schoon,

 

En oock die schoone Marie,

 

Die bouen alle vrouwen,

 

Den prijs sal behouwen,

 

By haren lieuen Soon,

 

Die Enghelen met haer croon,

 

Het cieraet van den troon,

 

Dit is haer sonder flouwen,

 

Een groote vreucht idoon.

 

Prince uytghelesen,

 

Verlicht ons hert en sinnen,

 

Dat wy v beminnen,

 

Hier in dit aerdtsche pleyn,

 

Met vromicheyt ghepresen,

 

Laet ons hier beghinnen,

 

Om die stadt te winnen,

 

Daer ghy nu sijt certeyn,

 

In grooter vreuchden reyn,

 

Met v heylighen groot en cleyn,

 

In uwen Hemel binnen.

 

Soo brenght ons alleghemeyn.