|
| |
Een nieu Leysliedeken, op de wijse: Ons is geboren een kindekijn, al van Maria die maget fijn. In elck veers moetmen singhen,, Sus valesus sus sus, Lof sy v soete Iesus.
JEsu soon Godts gebenedijt,
Die van den Vader gesonden zijt,
Beneden in dit aertsche dal,
Jesus sone van Dauid fier,
Tot Bethlehem in Dauidts stadt,
Ghy zijt ons vreucht der sielen schadt. Sus valesus.
Jesu Minnaer der suyverheyt,
Die in een cribbe sijt geleyt,
Want ghy ootmoedicheyt bemint,
Sijt nu geworden een cleyn kint. Sus valesus.
| |
| |
Jesu die ons het voetsel geeft,
En al dat opder aerden leeft,
Een ionge Maecht heeft v gesoocht,
Honger en dorst hebt ghy gedoocht. Sus valesus.
Jesu eenighe Soon ons Heer,
Ghy hebt v heylich licham teer,
Laeten besnijden nae de wet,
Nochtans soo waert ghy sonder smet. Sus valesus.
Jesu voor uwen name groot,
Soo moeten alle knien bloot,
Haer buygen seer ootmoedelijck,
In Hemel en op aertrijck. Sus valesus.
Jesus v naem heeft groote cracht,
Tegen die boose geesten macht,
Hy is seer grouwelijck voor haer,
Maer voor ons lieffelijck voorwaer. Sus valesus.
Dan eenen Salichmaker goet,
Door uwen soeten namen reyn,
Maeckt ons dan Salich alle gemeyn. Sus valesus.
Jesu ghy zijt ons Broeder claer,
Ons aduocaet en middelaer,
Ons menscheyt hebt ghy aengedaen,
Dus moet ghy lof en eer ontfaen. Sus valesus.
Jesu ghy zijt ons salicheyt,
Tot die sondaren seer bereyt,
Die uwen naem aenroepen hier,
Sult ghy wesen seer goedertier. Sus valesus.
Jesu ghy zijt ons Medecijn,
Hoe soet soo is den name dijn,
Veel soeter dan een honinck graet,
Waer deur vergeuen wort ons quaet. Sus valesus.
En Bisschop onser sielen fijn,
Ghy hebt v schaepkens wel gevoet,
En oock gewassen in v bloet. Sus valesus.
Jesu heere vant hemels hof,
Die de Engelen singen lof,
Ghy sijt ons Coninck excellent,
V rijck is eeuwich sonder ent. Sus valesus.
| |
| |
Jesu wijsheyt des vaders ient,
V gratie in ons herte prent,
Op dat wy eeren uwen naem,
Met lof en glorie nv bequaem. Sus valesus.
Jesu toont ons v claer aenschijn,
En laet ons van v vrienden zijn,
Die hooren uwe soete stem,
In die nieu stadt Jerusalem. Sus valesus.
Jesu Bruydegom triumphant,
Ghy sijt die croon der maechden want,
Sy volgen v waer dat ghy gaet,
In haren maechdelijcken staet. Sus valesus.
Jesu ghy suyuer Lam Godt fris,
Wiens soeten naem gheschreuen is,
Op die reyn maechden onbeuleckt,
In haer voorhoofden claer perfeckt. Sus valesus.
Jesu schoon licht des Hemels blij,
Ghy zijt ons herten melody,
Want ghy ons siele seer verheucht,
Met ongemeten soete vreucht. Sus valesus.
Jesu ghy woort des vaders claer,
Die vleesch geworden zijt voorwaer,
V glorie hebt ghy ons vertoont,
Als ghy met ons hier hebt gewoont. Sus valesus.
Tot uwer eeren singen wi,
Desen lofsanck soo dat betaemt,
Want ghy nu Jesus zijt genaemt Sus valesus.
Jesu Prince der Princen schoon,
Wilt ons brengen in uwen troon,
In dat schoon Hemels Paradijs,
Daermen v eert met lof en prijs.
|
|
Auteursrechtvrij