Een nieu devoot geestelijck lietboeck

Een nieu gheestelijck Liedeken, van de alderheylichste Moeder ende glorieuse maghet Maria, op de wijse, Den mey den mey coel is den mey, hy comt ons aenghedronghen.

GHy gheestelijcke maechden soet,
Wilt met lofsanghen prijsen,
Maria die reyne maghet goet,
Wilt haer doch eer bewijsen,
Wilt haer altoos naer mijn bedien,
Voor v matroone eeren,
Die vander eeuwicheyt was versien,
Tot een moeder des Heeren.
Den Vader had haer seer ghesint,
En sonderlingh’ vercoren
Om dat sijn lieue Soon bemint,
Van haer sou worden gheboren.
Sy was int Paradijs voorseyt,
Belooft tot onser vromen,
Dat des duyuels macht en heerlickheyt,
Door haer saedt soud’ worden benomen.
Sy is die Maghet sonder smet,
Die vrouw van grooter krachten
Die het Serpents hoofdt heeft verplet,
Dus eeren haer alle gheslachten,
Esaias die heeft van haer,

[p. 96]

 

Met deuchden ouervloedich,

 

Maer sonderlingh’ heeft sy Godt behaecht,

 

Om dat sy was soo oodtmoedich.

 

Gheen tonghe can uytspreken siet,

 

Haer deuchden en heylich leuen,

 

Gheen hert en cant bedencken niet,

 

Hoe dat sy nu is verheuen.

 

Ghy Princelijcke maechden fijn,

 

Maer deuchden wilt aenmercken,

 

Wilt ghy met haer in deuchden zijn,

 

Doet oock haer goede wercken.