Een nieu Geestelijck Liedeken, op de voorgaende wijse, tot leeringhe van alle goede Godtvruchtighe Weduwen.
GHy Weeukens wildy Godt behaghen,
In uwen wewelijcken staet,
Wijsselijck wilt v draghen en veriaghen
Alle ydele manieren quaet,
Siet dat ghy neerstich doet nae Paulus raedt,
Wacht v van veel te praten op der straten,
Wildy oprechte weduwe zijn.
Als uwen man is ouerleden,
Doet als Judith die wijse vrouwe ient,
Gheeft v tot eenicheden met ghebeden,
Op v slaep-camer excellent,
Verwacht wat gratie v den Heere toesent,
Neemtse dan neerselijcken waer,
Van ydelheyt te spreken moet ghy breken,
Wilt ghy wesen als weduwen eerbaer.
Met vasten bidden ende waken,
Castijt v natuere is sy rebel,
Na soberheyt wilt haken en versaken,
Alle quade brasserije fel,
Waer af het vleesch lijdt somtijdts groot ghequel,
En sy doodt de ziele als fenijn,
Anna die Prophetersse, matronersse,
Dese sal v als een spieghel zijn.
Als Elizabeth weest oodtmoedich,
Ouerleght hoe dat sy heeft gheleeft,
Sy en was niet hoochmoedich, maer troostvloedich,
Siet wat exempel dat sy v gheeft,
Volght haer deughden naer die sy gheoeffent heeft,
Loon sult ghy ontfanghen t’sestich fout,
V wooningh’ uytghelesen die sal wesen,
Daer die straten zijn van puer gout,
Die suyuerheyt wilt doch beminnen,
Recht of ghy waert een puere maeght,
| |
Soeckt inwendich van binnen, ghy sult vinnen,
Eenen man die de suyuerheyt behaecht,
Maeckt dat ghy hem altoos in v herteken draeght,
En dient hem ghestadelick met lust,
V bedde moet zijn reyne en alleyne,
Daer alsulcken Bruydegom op rust.
Princerssen wilt wel onderhouwen,
Desen staet hy is v lieden goedt,
En wilt geen man meer trouwen, maer aenschouwen,
Wat die schoone Tortelduyue doet,
Als die verloren heeft haer gaeyken soet,
Sy en kiest gheen ander nimmermeer,
Alsoo wilt oock doch blijuen en aenclijuen,
Den Bruydegom, Jesum onsen Heer.
|
|
Auteursrechtvrij